കണ്ണൂര്‍: 774 പേര്‍ക്ക് സൗജന്യ ഉപകരണങ്ങള്‍ വിതരണം ചെയ്തു. സാമൂഹ്യനീതി വകുപ്പും കേന്ദ്രസര്‍ക്കാര്‍ ഏജന്‍സിയായ ആര്‍ട്ടിഫിഷ്യല്‍ ലിംബ്‌സ് മാനുഫാക്ച്ചറിങ് കോര്‍പറേഷന്‍ ഓഫ് ഇന്ത്യയും (അലിംകോ) സംയുക്തമായാണ് പരിപാടി നടത്തിയത്. 31 പേര്‍ക്കു മുച്ചക്ര സൈക്കിള്‍, 113 വീല്‍ചെയര്‍, 110 ക്രച്ചസ്, 37 വാക്കിങ് സ്റ്റിക്ക്, നടക്കാന്‍ സഹായിക്കുന്ന ഉപകരണമായ 37 റോള്ളാറ്റേഴ്‌സ്, 360 ശ്രവണ സഹായികള്‍, മാനസിക വെല്ലുവിളികള്‍ നേരിടുന്നവര്‍ക്കുള്ള 136 എം.എസ്.ഐ.ഇ.ഡി കിറ്റ്, 31 ബ്രെയിലി കെയ്ന്‍ സ്ലേറ്റുകള്‍ തുടങ്ങി ഉപകരണങ്ങളാണു വിതരണം ചെയ്തത്. ഇത്തവണ ലഭിക്കാത്തവര്‍ക്കായി വീണ്ടും ക്യാം പുകള്‍ നടത്തുമെന്നു മന്ത്രി കെ.കെ ശൈലജ പറഞ്ഞു.