തൃക്കരിപ്പൂര്‍: 57 ാമത് റവന്യു ജില്ലാ കലോത്സവത്തിന് തൃക്കരിപ്പൂര്‍ വേദിയാവുന്നതോടെ 212 ഇനങ്ങളില്‍ 15 ല്‍ മത്സരിക്കാന്‍ പ്രതിഭകളില്ല. വീണ വായന, നാഗസ്വരം, മദ്ദളം, ഓട്ടന്‍തുളളല്‍ ആണ്‍കുട്ടികള്‍, ചാക്യാര്‍കൂത്ത്, കഥകളി തുടങ്ങിയ ഇനങ്ങളിലാണ് മത്സരാര്‍ഥികളില്ലാത്തത്. 4326 പ്രതിഭകളില്‍ 1754 ആണ്‍കുട്ടികളും 2572 പെണ്‍കുട്ടികളുമാണ് മത്സരിക്കുന്നത്. മത്സരം നടക്കുന്ന എല്ലാ വേദികളും വയര്‍ലെസ് സംവിധാനം വഴി ബന്ധിപ്പിച്ചിട്ടുണ്ട്. കൂടാതെ സി.സി.ടി.വി യും സ്ഥാപിച്ചു. അപ്പീലുകള്‍ നിയന്ത്രിക്കുന്നതിന് വിപുലമായ ഒരുക്കങ്ങളാണ് സംഘാടകര്‍ ഒരുക്കിയത്.