തിരൂര്‍: ജില്ലാ കലോത്സവത്തില്‍ മത്സരിക്കുന്നവരുടെ ശ്രദ്ധയ്ക്ക്, ഇക്കുറി കൃത്യ സമയം പാലിക്കുന്ന കാര്യത്തില്‍ സംഘാടക സമിതി കര്‍ശന തീരുമാനങ്ങളിലാണ്. മത്സരാര്‍ഥികള്‍ കൃത്യ സമയത്തുതന്നെ വേദിയില്‍ റിപ്പോര്‍ട്ട് ചെയ്യണം.
മൂന്നു തവണ ഔദ്യോഗികമായി അറിയിപ്പ് നല്‍കിയിട്ടും എത്തിയില്ലെങ്കില്‍ പിന്നെ കാത്തിരിക്കില്ലെന്നാണ് തീരുമാനം. റിപ്പോര്‍ട്ട് ചെയ്യാത്തവരെ അയോഗ്യരായി പ്രഖ്യാപിക്കുമെന്നും സംഘാടകസമിതി ഭാരവാഹികള്‍ വ്യക്തമാക്കി. ഗ്രൂപ്പിനങ്ങളില്‍ മത്സരിക്കുന്നവര്‍ കാലതാമസം വരുത്താതെ പ്രത്യേകം ശ്രദ്ധിക്കണമെന്നും ഭാരവാഹികള്‍ അഭ്യര്‍ഥിച്ചു.