ആക്രമണത്തില്‍ പരുക്കേറ്റ ദമ്പതികള്‍ താലൂക്ക് ആശുപത്രിയില്‍ ചികിത്സ തേടിയിരുന്നു
കൊടുങ്ങല്ലൂര്‍: ഇരുചക്രവാഹനം തടഞ്ഞുനിര്‍ത്തി ദമ്പതികളെ ആക്രമിച്ച മൂന്നംഗസംഘത്തെ പൊലിസ് അറസ്റ്റ് ചെയ്തു. പുല്ലൂറ്റ് സ്വദേശികളായ പാറയ്ക്കല്‍ അനീഷ് (36), മുണ്ടോളി അക്ഷയ് (23), വടക്കൂട്ട് ഷാജി (32) എന്നിവരെയാണ് പൊലിസ് അറസ്റ്റ് ചെയ്തത്. പുല്ലൂറ്റ് കോഴിക്കുളങ്ങരയിലുള്ള ഭാര്യ വീട്ടില്‍ നിന്നും മടങ്ങുകയായിരുന്ന ശ്രീനാരായണപുരം മണക്കാട്ട് നിമേഷ് (30), ഭാര്യ അഞ്ജന (21) എന്നിവരെയാണ് ഞായറാഴ്ച വൈകീട്ട് മൂവര്‍ സംഘം തടഞ്ഞുനിര്‍ത്തി മര്‍ദിച്ചത്. ആക്രമണത്തില്‍ പരുക്കേറ്റ ഇവര്‍ താലൂക്ക് ആശുപത്രിയില്‍ ചികിത്സ തേടിയിരുന്നു.