കൊപ്പം: സെവന്‍സ് ഫുട്‌ബോള്‍ അസോസിയേഷന്റെ നേതൃത്വത്തില്‍ കുപ്പൂത്ത് അഭിലാഷ് ക്ലബ് നടത്തപ്പെടുന്ന ആറാമത് അഖിലേന്ത്യ സെവന്‍സ് ഫുട്‌ബോള്‍ മേള ഈ മാസം 25 മുതല്‍ ഫെബ്രുവരി 25 വരെ കുപ്പൂത്ത് കളരിക്കല്‍ ഭഗവതി ക്ഷേത്രത്തിനു സമീപം നടക്കും. ആറായിരം പേര്‍ക്ക് കളി കാണാന്‍ സൗകര്യമുള്ള ഫ്‌ലഡ് ലൈറ്റ് സ്റ്റേഡിയത്തിലാണ് മത്സരങ്ങള്‍ നടത്തുക. പ്രദേശത്തെ മാരക രോഗബാധിതരെ സഹായിക്കുന്നതിന് വേണ്ടിയാണ് ഈ വര്‍ഷത്തെ മേളയുടെ നടത്തിപ്പ്.
സെവന്‍സ് ഫുട്‌ബോള്‍ അസോസിയേഷനില്‍ രജിസ്റ്റര്‍ ചെയ്ത 24 ടീമുകള്‍ ടൂര്‍ണമെന്റില്‍ പങ്കെടുക്കും. രാത്രി എട്ടിനാണ് മത്സരങ്ങള്‍ ആരംഭിക്കുക. ഇതോടനുബന്ധിച്ച് ചേര്‍ന്ന സ്വാഗതസംഘ രൂപീകരണ കണ്‍വന്‍ഷന്‍ സെവന്‍സ് ഫുടബോള്‍ അസോസിയേഷന്‍ പാലക്കാട് ജില്ല സെക്രട്ടറി അബ്ദുല്‍ വാഹിദ് ഉദ്ഘാടനം ചെയ്തു. വി.ടി. അബ്ദുല്‍ കരീം അധ്യക്ഷനായി.
ഭാരവാഹികള്‍: വി.ടി.അബ്ദുല്‍ കരീം (ചെയ), സി.മൊയ്തീന്‍ കുട്ടി (കണ്‍), ടി.പി.റാഫി (ട്രഷ).