തലശ്ശേരി: പിണറായി ഗ്രാമ പഞ്ചായത്തിലെ പതിനാറാം വാര്‍ഡിലേക്ക് നടന്ന ഉപതെരഞ്ഞെടുപ്പില്‍ എല്‍.ഡി.എഫ് സീറ്റ് നിലനിര്‍ത്തി.

എല്‍.ഡി.എഫിലെ എന്‍ വി രമേശന്‍ (സി.പി.ഐ) 999 വോട്ടിന്റെ ഭുരിപക്ഷത്തില്‍ വിജയിച്ചു.57 വോട്ട് നേടി ബി.ജെ.പി രണ്ടാം സ്ഥാനത്തെത്തിയപ്പോള്‍ യു.ഡി.എഫിന് 39 വോട്ട് നേടാനേ സാധിച്ചുള്ളൂ ,കഴിഞ്ഞ തവണ എല്‍.ഡി.എഫ് 719 വോട്ടിന്റെ ഭൂരിപക്ഷത്തിനാണ് വിജയിച്ചത്.

ആകെയുള്ള 1236 വോട്ടില്‍ 1152 വോട്ട് പോള്‍ ചെയ്തു.കഴിഞ്ഞ തവണ യു.ഡി.എഫ് 166 വോട്ട് നേടി രണ്ടാം സ്ഥാനത്തും 76 വോട്ട് നേടി ബി.ജെ.പി മൂന്നാം സ്ഥാനത്തുമായിരുന്നു.

പിണറായി ഗ്രാമ പഞ്ചായത്തിലെ 16 വാര്‍ഡംഗം പി.രവീന്ദ്രന്റ മരണത്തെ തുടര്‍ന്നാണ് പടന്നക്കര വാര്‍ഡില്‍ ഉപതെരഞ്ഞെടുപ്പ് നടന്നത് .
എല്‍.ഡി.എഫ് വിജയത്തില്‍ ആഹ്‌ളാദം പ്രകടിപ്പിച്ച് പ്രവര്‍ത്തകര്‍ പിണറായിയില്‍ പ്രകടനം നടത്തി