ദോഹ: പ്രൈമറി-പ്രിപറേറ്ററി സ്‌കൂളുകളുടെ പഠന സമയം കുറയ്ക്കാന്‍ ഉന്നത വിദ്യാഭ്യാസ മന്ത്രാലയത്തിനു കീഴില്‍ ആലോചന നടക്കുന്നതായി മന്ത്രാലയ വൃത്തങ്ങളെ ഉദ്ധരിച്ച് അല്‍റായ റിപോര്‍ട്ട് ചെയ്തു. സെക്കന്‍ഡറി സ്‌കൂളുകളുടെ പഠന സമയം കുറയ്ക്കുന്നതിനെപ്പറ്റി നിലവില്‍ ആലോചനയില്ലെന്നും പത്രം റിപോര്‍ട്ട് ചെയ്യുന്നു.
പഠനസമയം കുറയ്ക്കുന്നതുമായി ബന്ധപ്പെട്ട കാര്യങ്ങള്‍ പഠിക്കുന്നതിനായി ചുമതലപ്പെടുത്തിയ കമ്മിറ്റികള്‍ മന്ത്രാലയത്തിലെ ബന്ധപ്പെട്ട വകുപ്പുകള്‍ക്കു മുന്നില്‍ നിരവധി നിര്‍ദേശങ്ങള്‍ സമര്‍പ്പിച്ചതായും എന്നാല്‍ ഇതുവരെ അതിന് അംഗീകാരം ലഭിച്ചിട്ടില്ലെന്നും അധികൃതര്‍ ചൂണ്ടിക്കാട്ടി.