HOME
DETAILS

ജില്ലാ ക്ഷീരസംഗമം നാളെ മുതല്‍ പിണറായിയില്‍

  
backup
January 06 2017 | 05:01 AM

%e0%b4%9c%e0%b4%bf%e0%b4%b2%e0%b5%8d%e0%b4%b2%e0%b4%be-%e0%b4%95%e0%b5%8d%e0%b4%b7%e0%b5%80%e0%b4%b0%e0%b4%b8%e0%b4%82%e0%b4%97%e0%b4%ae%e0%b4%82-%e0%b4%a8%e0%b4%be%e0%b4%b3%e0%b5%86-%e0%b4%ae

കണ്ണൂര്‍: ക്ഷീര വികസന വകുപ്പും ക്ഷീര സഹകരണ സംഘങ്ങളും സംയുക്തമായി നടത്തുന്ന ജില്ലാ ക്ഷീര സംഗമം നാളെ മുതല്‍ 15 വരെ പിണറായിയില്‍ നടക്കും. നാളെ രാവിലെ 10നു മാത്തില്‍ പഞ്ചായത്ത് ഓഡിറ്റോറിയത്തില്‍ മന്ത്രി അഡ്വ. കെ രാജു ഡയറി ഡയറക്ടറി പ്രകാശനം ചെയ്യും.
എട്ടിനു രാവിലെ 9.30ന് ചിത്രരചന, കായിക മത്സരങ്ങളും നടക്കും. ഒന്‍പതിനു രാവിലെ 10ന് കന്നുകാലി പ്രദര്‍ശന മത്സരവും കന്നുകാലി വന്ധ്യതാ നിവാരണ സെമിനാറും ധര്‍മടം പഞ്ചായത്ത് പ്രസിഡന്റ് ബേബി സരോജം ഉദ്ഘാടനം ചെയ്യും. 11നു വൈകുന്നേരം അഞ്ചിനു വിളംബര ഘോഷയാത്ര.
12നു ക്ഷീര വിദ്യാര്‍ഥി സംഗമവും ഡെയറി ക്ലബ് ഉദ്ഘാടനവും കെ.കെ രാഗേഷ് എം.പി നിര്‍വഹിക്കും. ഉച്ചയ്ക്ക് 1.30ന് ക്ഷീര സംരഭകത്വ സംഗമം സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്യും. 13ന് രാവിലെ 10ന് പിണറായി ബാങ്ക് ഓഡിറ്റോറിയത്തില്‍ ക്ഷീര സംഗമം ജീവനക്കാര്‍ക്കുള്ള ശില്‍പശാലയും സഹകരണ സംഗമവും മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും. 15നു രാവിലെ 10.30ന് പിണറായി എകെ.ജി സ്മാരക സ്‌കൂളില്‍ സമാപന സമ്മേനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. മന്ത്രി കടന്നപ്പള്ളി രാമചന്ദ്രന്‍ അധ്യക്ഷനാകും. വാര്‍ത്താസമ്മേളനത്തില്‍ സ്വാഗതസംഘം ചെയര്‍മാന്‍ വിജയന്‍ മേപ്പാട്ട്, ജെയിന്‍ ജോര്‍ജ്, ജയരാജന്‍, നിഷാദ്, കെ രഞ്ജിത് പങ്കെടുത്തു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."