HOME
DETAILS

ബോധവല്‍ക്കരണത്തിന് എക്‌സൈസ് സംഘം വിവാഹ വീടുകളിലേക്ക്

  
backup
January 06 2017 | 05:01 AM

%e0%b4%ac%e0%b5%8b%e0%b4%a7%e0%b4%b5%e0%b4%b2%e0%b5%8d%e2%80%8d%e0%b4%95%e0%b5%8d%e0%b4%95%e0%b4%b0%e0%b4%a3%e0%b4%a4%e0%b5%8d%e0%b4%a4%e0%b4%bf%e0%b4%a8%e0%b5%8d-%e0%b4%8e%e0%b4%95%e0%b5%8d%e2%80%8c

തളിപ്പറമ്പ്: വിവാഹ വീടുകളില്‍ മദ്യത്തിന്റെ ദൂഷ്യഫലങ്ങളേക്കുറിച്ച് ബോധവല്‍ക്കരണം നടത്താനൊരുങ്ങി എക്‌സൈസ്. വിവാഹവീടുകളിലെ മദ്യസല്‍ക്കാരം ഒഴിവാക്കുന്നതിന് വിവാഹത്തിന് നാലുദിവസം മുമ്പ് എക്‌സൈസ് ഉദ്യോഗസ്ഥര്‍ വീടുകളില്‍ ചെന്ന് ക്ലാസെടുക്കണമെന്നാണ് എക്‌സൈസ് കമ്മിഷണറുടെ പുതിയ ഉത്തരവ്. ഇതനുസരിച്ച് എവിടെയൊക്കെ വിവാഹങ്ങള്‍ നടക്കുന്നു എന്നുകൂടി ഇനി എക്‌സൈസ് ഉദ്യോഗസ്ഥര്‍ അന്വേഷിക്കണം. കഴിഞ്ഞ മൂന്നിനാണ് ഉത്തരവ് പുറത്തിറങ്ങിയത്.
മദ്യത്തിന്റെ ദൂഷ്യഫലങ്ങളും നിയമപരമായ മുന്നറിയിപ്പുകളും വിവാഹം നടക്കുന്ന വീടുകളിലെ അംഗങ്ങളെ ബോധ്യപ്പെടുത്തിക്കൊടുക്കണമെന്നാണ് നിര്‍ദേശിച്ചിരിക്കുന്നത്. മിക്ക വിവാഹ വീടുകളിലും പരസ്യമായും രഹസ്യമായും മദ്യ സല്‍ക്കാരം നടക്കാറുണ്ട്. എക്‌സൈസ് മന്ത്രിക്ക് ലഭിച്ച ഒരു നിവേദനത്തിന്റെ അടിസ്ഥാനത്തിലാണ് പുതിയ ഉത്തരവ്. അതത് എക്‌സൈസ് ഡെപ്യൂട്ടി കമ്മിഷണറുടെ അധികാര പരിധിയിലുള്ള സ്ഥലങ്ങളില്‍ ഏതൊക്കെ വീടുകളിലാണ് വിവാഹം നടക്കുന്നതെന്ന് അറിഞ്ഞ് അവിടങ്ങളില്‍ നാലുദിവസം മുമ്പ് ഉദ്യോഗസ്ഥര്‍ ചെന്ന് ബോധവല്‍ക്കരണം നടത്തുകയും നിയമം ലംഘിച്ചാലുള്ള ദുരന്തത്തെക്കുറിച്ച് അറിവ് നല്‍കണമെന്നുമാണ് ഉത്തരവില്‍ പറയുന്നത്. അടുത്ത ദിവസം മുതല്‍ ഇതു പ്രാബല്യത്തില്‍ വരും.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."