ശ്രീകണ്ഠപുരം: മണ്ണെണ്ണ വെളിച്ചത്തില്‍ കഴിഞ്ഞിരുന്ന കാഞ്ഞിലേരി ചെരിക്കോട്ടെ വട്ടംതൊട്ടിയില്‍ എല്‍സമ്മക്ക് വൈദ്യുതി വകുപ്പിന്റെ കനിവില്‍ വെളിച്ചമെത്തി. കെ.എസ്. ഇ.ബി ഓവര്‍സിയര്‍ കെ സുധീറിന്റെ നേതൃത്വത്തിലാണ് വൈദ്യുതിയില്ലാത്ത കൊച്ചു വിട്ടില്‍ കഴിയുന്ന എല്‍സമ്മയുടെ വീട്ടില്‍ സഹപ്രവര്‍ത്തകരുടെ സഹകരണത്തോടെ വെളിച്ചമെത്തിച്ചത്. പ്രദേശവാസിയായ പി കുഞ്ഞിരാമന്‍ വയറിങ് ചെയ്തു നല്‍കി. ഡെപ്യൂട്ടി ചീഫ് എന്‍ജിനിയര്‍ രഞ്ജിത് പി ദേവ് സ്വിച്ച് ഓണ്‍ കര്‍മം നിര്‍വഹിച്ചു.