കാസര്‍കോട്: മുന്‍ എം.പിയും മുസ്‌ലിം ലീഗ് നേതാവുമായ ഹമീദലി ഷംനാട് (87) അന്തരിച്ചു. ഇന്ന് വൈകുന്നേരം ആറോടെ കാസര്‍കോട്ടെ സ്വകാര്യാശുപത്രിയില്‍ വച്ചായിരുന്നു അന്ത്യം. കഴിഞ്ഞ ദിവസം വരെ പാര്‍ട്ടിയുടെ മെമ്പര്‍ഷിപ്പ് കാംപയിന്‍ പരിപാടിയില്‍ പങ്കെടുത്തിരുന്നു.

1970 മുതല്‍ 1979 വരെ രാജ്യസഭാംഗമായിരുന്ന അദ്ദേഹം മുസ്‌ലിം ലീഗ് സംസ്ഥാന കമ്മിറ്റി അംഗമാണ്. സംസ്ഥാന വൈസ് പ്രസിഡന്റ്, ട്രഷറര്‍ എന്നീ സ്ഥാനങ്ങളും വഹിച്ചിരുന്നു.

കേരള പി.എസ്.സി മെമ്പര്‍, കേരള യൂണിവേഴ്‌സിറ്റി സെനറ്റ് അംഗം, ഹോം ഗാര്‍ഡ് അഡ് വൈസറി ബോര്‍ഡ് മെമ്പര്‍, കേരളാ റൂറല്‍ ഡെവലപ്‌മെന്റ് ബോര്‍ഡ് ചെയര്‍മാന്‍, കാസര്‍കോട് നഗരസഭാ ചെയര്‍മാന്‍ എന്നീ സ്ഥാനങ്ങളും വഹിച്ചിരുന്നു.