കരുനാഗപ്പള്ളി: നിയമസഭാ തെരഞ്ഞെടുപ്പിനു മുന്നോടിയായി നടന്ന കൊട്ടിക്കലാശത്തിനിടയിലുണ്ടായ സംഘര്‍ഷവുമായി ബന്ധപ്പെട്ട് മൂന്നു പേരെ പൊലിസ് അറസ്റ്റ് ചെയ്തു.
കുലശേഖരപുരം പുന്നക്കുളം തെക്കേവീട്ടില്‍ത്തറയില്‍ അബ്ദുല്‍ മനാഫ് (40) , ഇയാളുടെ പ്രായപൂര്‍ത്തിയാകാത്ത മകന്‍, തഴവ കടത്തൂര്‍ സീനത്ത് മന്‍സിലില്‍ ഷാജഹാന്‍ (40) എന്നിവരാണ് പിടിയിലായത്. കോടതിയില്‍ ഹാജരാക്കിയ പ്രതികളില്‍ രണ്ടുപേരെ റിമാന്‍ഡ് ചെയ്തു. കുട്ടിയെ ജാമ്യത്തില്‍ വിട്ടു.
സംഘര്‍ഷവുമായി ബന്ധപ്പെട്ട് ഇനിയും പത്തോളം പേരെ പിടികൂടാന്‍ ഉണ്ടെന്നും ഇവര്‍ക്കായി അന്വേഷണം ഊര്‍ജിതമാക്കിയതായും പൊലിസ് അറിയിച്ചു.