ആറ്റിങ്ങല്‍: ദേശീയപാതയില്‍ ആറ്റിങ്ങല്‍ മാമം പാലമൂടിനു സമീപം സ്‌കൂട്ടറും കാറും കൂട്ടിയിടിച്ച് സ്‌കൂട്ടര്‍ യാത്രികന്‍ മരിച്ചു.
കല്ലറ ചൂട്ടയില്‍ക്കാവ് ദേവാലയം വീട്ടില്‍ സന്തോഷ്(39) ആണ് മരിച്ചത്. തിങ്കളാഴ്ച രാത്രി 10 മണിയോടെയായിരുന്നു സംഭവം. ആറ്റിങ്ങലില്‍ നിന്നും കോരാണി ഭാഗത്തേയ്ക്ക് പോകുകയായിരുന്നു സ്‌കൂട്ടറില്‍ എതിരേ വന്ന കാര്‍ ഇടിക്കുകയായിരുന്നു.
ഇടിയുടെ ആഘാതത്തില്‍ തെറിച്ചു വീണ് പരുക്കേറ്റ സന്തോഷിനെ ഉടന്‍ തന്നെ തിരുവനന്തപുരം മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ആറ്റിങ്ങല്‍ കൊടുമണില്‍ ജെന്റ്‌സ് ബ്യൂട്ടി പാര്‍ലര്‍ നടത്തിവരികയായിരുന്നു സന്തോഷ്. ഭാര്യ: മായ. മക്കള്‍: അനു സന്തോഷ്, ദേവനന്ദ.