കൊല്ലം: ദക്ഷിണ കേരള ജംഇയ്യത്തുല്‍ ഉലമാ വജ്രജൂബിലി സമാപന സമ്മേളനത്തിന്റെയും ഏകസിവില്‍കോഡ് വിരുദ്ധ ശരീഅത്ത് സംരക്ഷണ റാലിയുടെയും വിളംബര സന്ദേശ പ്രചാരണ യാത്ര ഇന്ന് വൈകിട്ട് മൂന്നിന് കൊടുങ്ങല്ലൂരില്‍ നിന്ന് ആരംഭിക്കും.
സ്വാഗതസംഘം ചെയര്‍മാന്‍ കടയ്ക്കല്‍ അബ്ദുല്‍ അസീസ് മൗലവി ജംഇയ്യത്തിന്റെ ഔദ്യോഗിക പതാക ക്യാപ്റ്റന്‍ തൊടിയൂര്‍ മുഹമ്മദ് കുഞ്ഞ് മൗലവിക്ക് കൈമാറും. കോ- ഓഡിനേറ്റര്‍ പാങ്ങോട് എ ഖമറുദ്ദീന്‍ മൗലവി നയവിശദീകരണം നടത്തും. ജംഇയ്യത്തുല്‍ ഉലമാ എറണാകുളം ജില്ലാ പ്രസിഡന്റ് എം.ബി അബ്ദുല്‍ഖാദിര്‍ മൗലവിയുടെ അദ്ധ്യക്ഷതയില്‍ നടക്കുന്ന യോഗത്തില്‍ പ്രോഗ്രാംകമ്മിറ്റി കണ്‍വീനര്‍ സി.എ മൂസ മൗലവി, അന്നസീം ചീഫ് എഡിറ്റര്‍ പി.പി മുഹമ്മദ് ഇസ്ഹാഖ് മൗലവി, വൈസ്പ്രസിഡന്റ് വി.എച്ച് മുഹമ്മദ് മൗലവി, ജമാഅത്ത് ഫെഡറേഷന്‍ ജനറല്‍സെക്രട്ടറി കെ.പി മുഹമ്മദ്, എ.കെ ഉമര്‍ മൗലവി, എം.എം ബാവാ മൗലവി, തേവലക്കര അലിയാരുകുഞ്ഞ് മൗലവി, മുഹമ്മദ് തൗഫീഖ് മൗലവി, കടയ്ക്കല്‍ ജുനൈദ്, എസ് അബ്ദുല്‍ഹക്കീം മൗലവി, ഇ.കെ സുലൈമാന്‍ ദാരിമി, എ.വൈ ഷിജു, എം മുഹ്‌യുദ്ദീന്‍ മൗലവി, മാണിക്കല്‍ നിസാര്‍ മൗലവി, കടുവയില്‍ എ.എം ഇര്‍ഷാദ് മൗലവി, മുണ്ടക്കയം ഹുസൈന്‍ മൗലവി, കാട്ടാമ്പള്ളി മുഹമ്മദ് മൗലവി സംസാരിക്കും. ചേലക്കുളം കെ.എം മുഹമ്മദ് അബുല്‍ ബുഷ്‌റാ മൗലവി പ്രാര്‍ഥനയ്ക്ക് നേതൃത്വം നല്‍കും.