കോഴിക്കോട്:  സ്‌റ്റേറ്റ് ബാങ്ക് ഓഫ് ട്രാവന്‍കൂര്‍ 70ാം വാര്‍ഷികത്തോടനുബന്ധിച്ച് സംഘടിപ്പിച്ച സൈക്കിള്‍  സന്ദേശയാത്ര ജില്ലയില്‍ പ്രവേശിച്ചു. സൈക്കിള്‍ സവാരി പ്രോത്സാഹിപ്പിക്കുക, ട്രാഫിക്  നിയമങ്ങള്‍  പാലിക്കുക, പരിസര സംരക്ഷണ ബോധവല്‍കരണം, അവയവദാനം പ്രോത്സാഹിപ്പിക്കുക തുടങ്ങിയ സന്ദേശങ്ങള്‍  ജനങ്ങളിലേക്കെത്തിക്കുകയാണ് ലക്ഷ്യമിടുന്നതെന്ന് അസിസ്റ്റന്റ് ജനറല്‍ മാനേജര്‍ എം.കെ സുരേഷ് ബാബു  വാര്‍ത്താസമ്മേളനത്തില്‍ പറഞ്ഞു.
അവയവ ദാനം മഹാദാനം എന്ന മുദ്രാവാക്യത്തില്‍ കഴിഞ്ഞ 22ന്  കാസര്‍കോഡ് നിന്നും ആരംഭിച്ച യാത്രയില്‍ ചെന്നൈയില്‍ നിന്നുള്ള പോള്‍ ഡി. പ്രഭാകറും  പങ്കെടുക്കുന്നുണ്ട്. യാത്രയിലുടനീളം ജില്ലയുടെ വിവിധ ഭാഗങ്ങളില്‍ നിന്നായി ബാങ്ക് ജീവനക്കാരില്‍  നിന്നും പൊതുജനങ്ങളില്‍ നിന്നും അവയവദാന സമ്മതപത്രം സ്വീകരിക്കും. മുന്‍കൂട്ടി നിശ്ചയിച്ച  കേന്ദ്രങ്ങളില്‍ പ്രചാരണ പൊതുയോഗങ്ങളും സംഘടിപ്പിച്ചിട്ടുണ്ട്. യാത്ര 29ന് വൈകീട്ട്  തിരുവനന്തപുരം എസ്.ബി.ടി ഹെഡ് ഓഫീസ് പരിസരത്ത് സമാപിക്കും.