യുവകലാസാഹിതി ഖത്തറും ബദറും അല്‍ സമ മെഡിക്കല്‍ സെന്ററും സംയുക്തമായി നടത്തിയ സൗജന്യ മെഡിക്കല്‍ ക്യാമ്പ് വന്‍ ജനകീയ പങ്കാളിത്താല്‍ ശ്രദ്ധേയമായി. ക്യാമ്പിന്റെ ഔപചാരികമായ  ഉത്ഘാടനം  ജനുവരി 6 വെള്ളിയാഴ്ച  ഇന്ത്യന്‍ കള്‍ച്ചറല്‍ സെന്ററില്‍ വെച്ച് ഐസിസി മാനേജിങ്ങ് കമ്മിറ്റി അംഗം അഡ്വ: ജാഫര്‍ ഖാന്‍ നിര്‍വഹിച്ചു, പ്രവാസികള്‍ക്ക് കൈത്താങ്ങായി നിലകൊള്ളുന്ന യുവകലാസാഹിതി ഖത്തറിന്റെ  ഇത്തരം ഉദ്യമങ്ങള്‍ മാതൃകാപരവും ശ്ലാഘിനിയവുമാണെന്നു അദ്ദേഹം അഭിപ്രായപ്പെട്ടു. ബദറും അല്‍ സമ മെഡിക്കല്‍ സെന്റര്‍  ഡോക്ടര്‍ ബിജു വ്യാസന്‍, എക്‌സിക്യൂട്ടീവ് ഓഫീസര്‍ ഫജീഷ് അഷറഫ് എന്നിവരടങ്ങിയ മെഡിക്കല്‍ സംഘം ക്യാമ്പിന് നേതൃത്വം നല്‍കി. കെ ഇ ലാലുവിന്റെ അധ്യക്ഷതയില്‍ കൂടിയ യോഗത്തില്‍ മെഡിക്കല്‍ ക്യാമ്പ് കോര്‍ഡിനേറ്റര്‍ ഇബ്രൂ ഇബ്രാഹിം സ്വാഗതവും രാഗേഷ് പിള്ള നന്ദിയും പറഞ്ഞു, കെ ഇ സജു, സുമേഷ് സുരേന്ദ്രന്‍, അജ്മല്‍, ലിസാം, അനൂപ്, ഷാനവാസ് തവയില്‍ എന്നിവരടങ്ങിയ രജിസ്റ്ററേഷന്‍ ഭാരവാഹികള്‍  ക്യാമ്പിനെ നിയന്ത്രിച്ചു.