കോഴിക്കോട്: ജില്ലയിലെ ഉന്നത ഉദ്യോഗസ്ഥര്‍ എം.എല്‍.എമാര്‍ വിളിച്ചാല്‍ പോലും ഫോണെടുക്കുന്നില്ലെന്ന് ജോര്‍ജ് എം. തോമസ് എം.എല്‍.എ പരാതിപ്പെട്ടു.
ജില്ലാ വികസന സമിതി യോഗത്തിലാണ് എം.എല്‍.എ പരാതി ഉന്നയിച്ചത്. ഫോണെടുക്കാന്‍ പറ്റിയില്ലെങ്കില്‍ തിരിച്ചുവിളിക്കാനുള്ള മര്യാദ പോലും കാണിക്കുന്നില്ല. ഇക്കാര്യത്തില്‍ ചീഫ് സെക്രട്ടറി പോലും മാതൃകാപരമായ സമീപനമാണ് പുലര്‍ത്തുന്നതെന്നിരിക്കെ ജില്ലയിലെ ഉദ്യോഗസ്ഥന്‍മാരുടെ ഈ നിലപാട് അംഗീകരിക്കാനാവില്ലെന്നും എം.എല്‍.എ പറഞ്ഞു.