പയ്യന്നൂര്‍: സി കൃഷ്ണന്‍ എം.എല്‍.എയുടെ സമഗ്ര വിദ്യാഭ്യാസ പരിപാടിയുടെ ഭാഗമായി മണ്ഡലത്തിലെ 19 പ്രൈമറി സ്‌കൂളുകള്‍ മികവിന്റെ കേന്ദ്രങ്ങളാക്കുന്നതിനു വേണ്ടിയുള്ള കര്‍മപദ്ധതികള്‍ അദ്ധ്യാപകരും രക്ഷകര്‍ത്താക്കളും ജനപ്രതിനിധികളും ചര്‍ച്ച ചെയ്തു അംഗീകരിച്ചു. പയ്യന്നൂര്‍ നഗരസഭാ ഹാളില്‍ ചേര്‍ന്ന യോഗത്തില്‍ മുനിസിപ്പല്‍ ചെയര്‍മാന്‍ അഡ്വ. ശശി വട്ടക്കൊവ്വല്‍ അധ്യക്ഷനായി. സി കൃഷ്ണന്‍ എം.എല്‍.എ ഉദ്ഘാടനം ചെയ്തു. ഡോ. എം.ബാലന്‍ പദ്ധതി രേഖ അവതരിപ്പിച്ചു. പ്രൊഫ. ടി.പി ശ്രീധരന്‍, ഡോ. രാമന്തളി രവി, പി സുഗുണന്‍ ചര്‍ച്ചയ്ക്ക് നേതൃത്വം നല്‍കി. രാമന്തളി പഞ്ചായത്ത് പ്രസിഡന്റ് എം.വി ഗോവിന്ദന്‍, പയ്യന്നൂര്‍ മുന്‍സിപ്പല്‍ സ്റ്റാന്റിങ് കമ്മിറ്റി ചെയര്‍മാന്‍ ബാലന്‍, അഡ്വ. കെ.പി രമേശന്‍, പി.വി നാരായണന്‍ ചര്‍ച്ചയില്‍ പങ്കെടുത്തു.