കോഴിക്കോട്: ഈ വര്‍ഷത്തെ ഹജ്ജ് വിമാനം കോഴിക്കോട് എയര്‍പോര്‍ട്ടില്‍ നിന്നാരംഭിക്കണമെന്നും ഹജ്ജ് എംബാര്‍ക്കേഷന്‍ പോയിന്റായി വിമാനത്താവളത്തെ അംഗീകരിക്കണമെന്നും സന്നദ്ധ സംഘടനകളുടെ സഹായം ഉള്‍പ്പെടെ കോടികള്‍ മുടക്കി നിര്‍മിച്ച ഹജ്ജ് ഹൗസ് ഹാജിമാരുടെ ആവശ്യങ്ങള്‍ക്ക് ഉപയോഗപ്പെടുത്തണമെന്നും എം.ഇ.എസ് കേരള സര്‍ക്കരിനോട് ആവശ്യപ്പെട്ടു. ഇക്കാര്യത്തിലുള്ള നിവേദനം കേരള ഹജ്ജ് മന്ത്രി കെ.ടി ജലീലിന് എം.ഇ.എസ് സമര്‍പ്പിച്ചു.
എം.ഇ.എസ് സംസ്ഥാന സെക്രട്ടറി ഡോ. എന്‍.എം മുജീബ് റഹ്മാന്‍, കോഴിക്കോട് ജില്ലാ പ്രസിഡന്റ് സി.ടി സക്കീര്‍ ഹുസൈന്‍, സെക്രട്ടറി പി.കെ അബ്ദുല്‍ ലത്തീഫ്, മലപ്പുറം ജില്ലാ പ്രസിഡന്റ് എന്‍. അബ്ദുല്‍ ജബ്ബാര്‍, എം.ഇ.എസ് സെന്‍ട്രല്‍ സ്‌കൂള്‍ പാവങ്ങാട് വൈസ് ചെയര്‍മാന്‍ ഹസന്‍ തിക്കോടി, മലപ്പുറം ജില്ലാ കമ്മിറ്റിയംഗം കെ.ടി മുഹമ്മദ് എന്നിവരാണ് നിവേദനം സമര്‍പ്പിച്ചത്. പ്രസിഡന്റ് ഡോ. ഫസല്‍ ഗഫൂറും ജനറല്‍ സെക്രട്ടറി പ്രൊഫ. പി.ഒ.ജെ ലബ്ബയും ഒപ്പിട്ടതാണ് നിവേദനം.