തിരുവനന്തപുരം: കേരളാ വാട്ടര്‍ അതോറിറ്റിയില്‍ ഓപ്പറേറ്റര്‍ തസ്തികയുടെ സാധ്യതാ പട്ടികയില്‍ ഉള്‍പ്പെട്ട ഉദ്യോഗാര്‍ഥികളുടെ വെരിഫിക്കേഷനും അപേക്ഷകളുടെ സൂക്ഷ്മ പരിശോധനയും ഇന്നും നാളെയുമായി പി.എസ്.സി ആസ്ഥാനത്ത് നടക്കും. സാങ്കേതിക വിദ്യാഭ്യാസ വകുപ്പില്‍ എന്‍ജിനീയറിങ് കോളജുകള്‍ കമ്പ്യൂട്ടര്‍ പ്രോഗ്രാമര്‍ തസ്തികയുടെ ചുരുക്കപ്പട്ടികയിലുള്‍പ്പെട്ട പി.സി.എന്‍ ലഭിക്കാത്തവര്‍ക്കുള്ള സര്‍ട്ടിഫിക്കറ്റ് പരിശോധന ഈ മാസം 12,13,16,17 തിയതികളില്‍ നടത്താനും ഇന്നലെ ചേര്‍ന്ന പി.എസ്.സി യോഗം തീരുമാനിച്ചു.
ചെയര്‍മാന്‍ അഡ്വ. എം.കെ സക്കീര്‍ അധ്യക്ഷത വഹിച്ചു. യോഗം മുന്‍ അംഗം ഹമീദലി ഷംനാടിന്റെ വിയോഗത്തില്‍ അനുശോചിച്ചു.