തിരുവനന്തപുരം: പിണറായി വിജയന്‍ മുഖ്യമന്ത്രിയായ പുതിയ മന്ത്രിസഭ അധികാരത്തിലേറി. ഗവര്‍ണര്‍ പി.സദാശിവം സത്യപ്രതിജ്ഞ ചൊല്ലിക്കൊടുത്തു. തിരുവനന്തപുരം സെന്‍ട്രല്‍ സ്റ്റേഡിയത്തില്‍ നടന്ന ചടങ്ങില്‍ വന്‍ ജനാവലിയാണ് പങ്കെടുത്തത്. 19 അംഗ മന്ത്രിസഭയാണ് അധികാരത്തിലേറിയത്. മുഖ്യമന്ത്രിയായ പിണറായിക്കു പിന്നാലെ ഓരോരുത്തരുടെയും പേരുകള്‍ അക്ഷരമാല ക്രമത്തില്‍ വിളിച്ചതിന്‍പ്രകാരമാണ് ഓരോരുത്തരും പ്രതിജ്ഞയെടുത്തത്.

മന്ത്രിമാരും വകുപ്പുകളും

മുഖ്യമന്ത്രി: പിണറായി വിജയന്‍ - ആഭ്യന്തരം, വിജിലന്‍സ്, ഐ.ടി

• മാത്യു ടി. തോമസ് - ജലവിഭവം
• തോമസ് ഐസക്ക് - ധനകാര്യം
• ഇ.ചന്ദ്രശേഖരന്‍ - റവന്യു
• എ.കെ ശശീന്ദ്രന്‍ - ഗതാഗതം
• കടന്നപ്പള്ളി രാമചന്ദ്രന്‍ - തുറമുഖം
• എ.കെ ബാലന്‍ - നിയമം, സാംസ്‌കാരികം, പിന്നോക്കക്ഷേമം
• കെ.ടി ജലീല്‍ - തദ്ദേശഭരണം
• ഇ.പി ജയരാജന്‍ - വ്യവസായം, സ്‌പോര്‍ട്‌സ്
• കടകംപള്ളി സുരേന്ദ്രന്‍ - വൈദ്യുതി, ദേവസ്വം
• ജെ.മേഴ്‌സിക്കുട്ടിയമ്മ - ഫിഷറീസ്, പരമ്പരാഗതവ്യവസായം
• എ.സി മൊയ്തീന്‍ - സഹകരണം, ടൂറിസം
• കെ.രാജു - വനം, പരിസ്ഥിതി
• ടി.പി രാമകൃഷ്ണന്‍ - എക്‌സൈസ്, തൊഴില്‍
• സി.രവീന്ദ്രനാഥ് - വിദ്യാഭ്യാസം
• കെ.കെ ഷൈലജ - ആരോഗ്യം, സാമൂഹികക്ഷേമം
• ജി.സുധാകരന്‍ - പൊതുമരാമത്ത്, രജിസ്‌ട്രേഷന്‍
• വി.എസ് സുനില്‍കുമാര്‍ - കൃഷി
• പി.തിലോത്തമന്‍ - ഭക്ഷ്യ-സിവില്‍സപ്ലൈസ്