പറവൂര്‍: റോഡ് സുരക്ഷാ വാരാചരണത്തിന്റെ ഭാഗമായിപറവൂര്‍ ജോയിന്റ് ആര്‍.ടി ഓഫിസിന്റെയും ഡ്രൈവിങ്ങ് സ്‌ക്കൂള്‍ അസോസിയേഷന്റെയും ആഭിമുഖ്യത്തില്‍ റോഡ് സുരക്ഷാ സന്ദേശ യാത്രയും പ്രഥമ ശുശ്രൂഷ പഠനക്ലാസും നടത്തി. ജെ.ആര്‍.ടി.ഒ ബിജു ജെയിംസ് ഫ്‌ളാഗ് ഓഫ് ചെയ്തു. എഴുപതോളം വാഹനങ്ങള്‍ യാത്രയില്‍ പങ്കെടുത്തു. ഡ്രൈവര്‍മാര്‍ക്ക് സുരക്ഷയെ കുറിച്ചുള്ള ലഘുലേഖകളും വിതരണം നടത്തി. ട്രാന്‍സ്‌പോര്‍ട് ഡ്രൈവര്‍മാര്‍ക്കും പൊതുജനങ്ങള്‍ക്കും വേണ്ടി നടത്തിയ പ്രഥമ ശുശ്രൂഷ ക്ലാസ് ഇന്‍സ്റ്റിറ്റിയുട്ട് ഓഫ് ഹെല്‍ത്ത് ആന്റ് മാനേജ്‌മെന്റിലെ ശ്രീജിത്ത്, എല്‍ദോസ് എന്നിവര്‍ നയിച്ചു.