കോഴിക്കോട്: 2016 -17 വര്‍ഷത്തെ അധിക തസ്തികയിലെ അധ്യാപക നിയമനങ്ങള്‍ അധ്യാപക ബാങ്കില്‍ നിന്നാവണമെന്ന് നിര്‍കര്‍ഷിക്കുന്ന കെ.ഇ.ആര്‍ ഭേദഗതി ഉത്തരവ് അധ്യാപക ദ്രോഹ നടപടിയാണ്. ജൂണ്‍ മാസത്തില്‍ നിയമിക്കപ്പെട്ടവര്‍ക്ക് നവംബറില്‍ ഇറക്കിയ ഉത്തരവ് ബാധകമാക്കുന്നത് കടുത്ത അധ്യാപക ദ്രോഹ നടപടിയാണെന്ന് കേരള സ്‌കൂള്‍ ടീച്ചേഴ്‌സ് യൂണിയന്‍ (കെ.എസ്.ടി.യു) റൂറല്‍ സബ് ജില്ലാ സമ്മേളനം ചൂണ്ടിക്കാട്ടി. സമ്മേളനം കെ.എസ്.ടി.യു സംസ്ഥാന സെക്രട്ടറി പി.കെ അസീസ് ഉദ്ഘാടനം ചെയ്തു .സബ് ജില്ലാ പ്രസിഡന്റ് സി.കെ മുഹമ്മദ് അമീര്‍ അധ്യക്ഷനായി.
റവന്യു ജില്ലാ ജനറല്‍ സെക്രട്ടറി കെ.എം.എ നാസര്‍, സെക്രട്ടറി കല്ലര്‍ മുഹമ്മദലി, സബ് ജില്ലാ ജനറല്‍ സെക്രട്ടറി വി അശ്‌റഫ്, ടി.പി നജ്മുദ്ധീന്‍, കെ അബ്ദുല്‍ ലത്തീഫ്, എം.പി ഷാഹുല്‍ ഹമീദ്, കെ നസീറ പ്രസംഗിച്ചു.