പേരൂര്‍ക്കട: ഇന്ദിരാനഗര്‍ ജങ്ഷനില്‍ മദ്യപിച്ച് ബൈക്ക് ഓടിച്ചുവരികയായിരുന്നതിന് പിടിയിലായ ആള്‍ സ്റ്റേഷനില്‍വച്ച് എസ്.ഐയെയും പൊലിസുകാരെയും ആക്രമിച്ചു.
ഇന്ദിരാനഗര്‍ സ്വദേശി രാഹുല്‍ (28) ആണ് സ്റ്റേഷനില്‍ അക്രമം കാട്ടിയത്. ഇന്നലെ വൈകുന്നേരമാണ് മദ്യപിച്ച് വാഹനം ഓടിച്ചതിന് ഇയാള്‍ പിടിയിലായത്. സ്റ്റേഷനില്‍ ഇയാള്‍ പൊലിസുകാരെ ആക്രമിക്കുന്നതു തടഞ്ഞതിന് എസ്.ഐ പ്രേംകുമാറിനെയും ആക്രമിക്കുകയായിരുന്നു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.