കോഴിക്കോട്: ലയണ്‍സ് ഇന്റര്‍നാഷനല്‍ ഡിസ്ട്രിക്ട് 318-ഇയുടെ ആഭിമുഖ്യത്തില്‍ ശതാബ്ദി ആഘോഷങ്ങള്‍ ഇന്നു നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. വൈകിട്ട് മൂന്നിന് ടാഗോര്‍ ഹാളില്‍ നടക്കുന്ന പരിപാടിയില്‍ ലണ്‍സ് മുന്‍ ഇന്റര്‍നാഷനല്‍ ഡയറക്ടര്‍ ആര്‍. മുരുകന്‍ പങ്കെടുക്കും. മെട്രോമാന്‍ ഇ. ശ്രീധരന്‍ ഗാനരചയിതാവ് കൈതപ്രം ദാമോദരന്‍ നമ്പൂതിരി എന്നിവരെ ആദരിക്കും.
ഷി ഓട്ടോ വിതരണം, വീല്‍ചെയര്‍ വിതരണം, മെഡിക്കല്‍ കോളജിലേക്ക് ഇലക്ട്രോലൈറ്റ് അനലൈസര്‍ നല്‍കല്‍ എന്നിവയും പരിപാടിയോടനുബന്ധിച്ചു നടക്കും. സംഗീത-കലാ പരിപാടികളും അരങ്ങേറും. വാര്‍ത്താസമ്മേളനത്തില്‍ ലയണ്‍സ് ഡിസ്ട്രിക്ട് ഗവര്‍ണര്‍ എസ്.എ ശിവപ്രസാദ്, മോദന്‍ നെടിയ, വി.കെ കൃഷ്ണകുമാര്‍, വ്രിജ് കിഷോര്‍, രത്‌നകുമാര്‍ മല്ലിശ്ശേരി, എം. വിജയന്‍, രാജേഷ് കുഞ്ഞപ്പന്‍ പങ്കെടുത്തു.