മരട്: ജല സ്രോതസുകളുടെ സംരക്ഷണം, ജൈവകൃഷി പ്രോത്സാഹനം, സാമൂഹ്യ സുരക്ഷക്കായി തെരുവുകളില്‍ ക്യാമറ സ്ഥാപിക്കല്‍ എന്നീ പദ്ധതികള്‍ പ്രഖ്യാപിച്ചുകൊï് മരട് മോസ്‌ക് റോഡ് റസിഡന്റ്‌സ് അസോസിയേഷന്റെ നാലാം വാര്‍ഷിക പൊതുയോഗവും കുടുംബ സംഗമവും ജുമാ മസ്ജിദിനു സമീപം എന്‍.എന്‍ വിശ്വംഭരന്‍ നഗറില്‍ നടന്നു.
നഗരസഭ കൗണ്‍സിലര്‍ രതി ദിവാകരന്‍ ഉദ്ഘാടനം ചെയ്തു. കെ.ഒ ദിവാകരന്‍ അധ്യക്ഷനായി.
മെഡിക്കല്‍ ടെക്‌സ്‌റ്റൈല്‍സില്‍ ഡോക്ടറേറ്റ് നേടിയ ജി രശ്മി, മുംബയ് ഐ.ഐ.ടിയില്‍ അഡ്മിഷന്‍ ലഭിച്ച ഹാറൂണ്‍ ഇക്ബാല്‍ ഒറ്റമാളിക, എസ്.എസ്.എല്‍.സി എ പ്ലസ് വിജയികളായ അമീര്‍ മുഹമ്മദ്, കൃഷ്ണപ്രിയ എന്നിവരെയും, ബംഗ്ലൂരു എഫ്.സി ജൂനിയര്‍ ടീം സെലക്ഷന്‍ നേടിയ നിഹാല്‍ ഇക്ബാല്‍ ഒറ്റവാളിക, സ്‌പെഷ്യല്‍ ഒളിമ്പിക്‌സിലെ സംസ്ഥാന തല വിജയി മുഹമ്മദ് ഫിറോസ്, ജുഡോ ചാമ്പ്യന്‍ ഐവിന്‍ ടി.തിലക് എന്നിവരെ ആദരിച്ചു.
മോട്ടോര്‍ സൈക്കിളില്‍ ലഡാക് സന്ദര്‍ശിച്ച് ഇന്ത്യന്‍ സൈന്യത്തിനു രക്തദാനം നിര്‍വഹിച്ച യുവസാഹസികരെ ഉപഹാരം നല്‍കി അനുമോദിച്ചു.
കൗണ്‍സിലര്‍ സ്വമിന സുജിത് സമ്മാനദാനം നിര്‍വഹിച്ചു. കുടുംബാംഗങ്ങളുടെ കലാസന്ധ്യയും നടന്നു.
ഭാരവാഹികളായി ദിവാകരന്‍ കുളത്തുങ്കല്‍ (പ്രസിഡന്റ്), കെ.വി.അരവിന്ദന്‍ (വൈസ് പ്രസിഡന്റ്), ഐ.ജി.അരുള്‍ദാസ് (സെക്രട്ടറി), രാകേഷ്‌കര്‍ത്ത (ജോ. സെക്രട്ടറി), അനൂപ് വിശ്വം (ട്രഷറര്‍) എന്നിവരെ തെരഞ്ഞെടുത്തു.