അഞ്ചാലുമ്മൂട്: സ്വാതന്ത്ര്യസമര സേനാനിയും കല്‍ക്കട്ടയില്‍ നിന്നും ഹോമിയോ ബിരുദം നേടിയ കേരളത്തിലെ ആദ്യകാല ഹോമിയോ ഡോക്ടറും തത്വചിന്തകനും അഞ്ചാലുംമൂട് കടപ്പായില്‍ ഹോമിയോ നഴ്‌സിംഗ് ഹോം സ്ഥാപകനുമായിരുന്ന ഡോ. കെ.വി വാസുദേവന്റെ 29-ാം ചരമവാര്‍ഷിക ദിനത്തോടനുബന്ധിച്ച് സൗജന്യ ഹോമിയോ മെഡിക്കല്‍ ക്യാംപും അനുസ്മരണവും 17ന് രാവിലെ 9.45ന് ഇഞ്ചവിള ഗവ. വൃദ്ധസദനത്തില്‍ നടക്കുമെന്ന് അനുസ്മരണ കമ്മിറ്റി ജനറല്‍ കണ്‍വീനര്‍ അഷ്ടമുടി രവികുമാര്‍ അറിയിച്ചു. അനുസ്മരണ സമ്മേളനം മന്ത്രി ജെ. മേഴ്‌സിക്കുട്ടിയമ്മയും ഹോമിയോ മെഡിക്കല്‍ ക്യാംപ് എന്‍.കെ പ്രേമചന്ദ്രന്‍ എം.പിയും ഉദ്ഘാടനം ചെയ്യും.