കൂത്താട്ടുകുളം: കൂത്താട്ടുകുളം ടൗണില്‍ എം.സി റോഡിലെ അനധികൃത പാര്‍ക്കിങ് ഗതാഗത തടസത്തിനും യാത്ര ദുരിതത്തിനും കാരണമാകുന്നതായി പരാതി. എം.സി റോഡ് നവീകരണത്തിന്റെ ഭാഗമായുള്ള കെ.എസ്.ടി.പി റോഡ് നിര്‍മാണം നടക്കുന്നതിനും തടസമായാണ് നഗരത്തിലെ സ്വകാര്യവാഹനങ്ങളുടെ പാര്‍ക്കിങ്.
നിര്‍മാണ ജോലികള്‍ക്ക് തടസ്സം സൃഷ്ടിച്ച് വാഹനങ്ങള്‍ തലങ്ങും വിലങ്ങും പാര്‍ക്ക് ചെയ്യുകയാണ്.
വാഹനങ്ങള്‍ പാര്‍ക്കു ചെയ്യുന്നതുമൂലം ജോലികള്‍ തടസപ്പെടുകയും ഇതുമൂലം ഗതാഗതക്കുരുക്ക് രൂക്ഷമാവുകയും ചെയ്യുന്നുണ്ട്.
കെ.എസ്.ടി.പി നിര്‍മാണം തീരുന്നതുവരെ എം.സി റോഡില്‍ പാര്‍ക്കിങ് പൂര്‍ണമായും നിരോധിക്കണമെന്ന ആവശ്യം ഉയര്‍ന്നിട്ടുണ്ട്. പലപ്പോഴും ടൗണ്‍ ഗതാഗതക്കുരുക്കുകൊണ്ട് വീര്‍പ്പുമുട്ടുമ്പോഴും അധികൃതര്‍ക്ക് അനക്കമില്ല.