കൂറ്റനാട്: തൃത്താല മണ്ഡലം എസ്.വൈ.എസ് കമ്മിറ്റിയുടെ ആഭിമുഖ്യത്തില്‍ കോട്ടുമലബാപ്പു മുസ്‌ലിയാര്‍ അനുസ്മരണം നടത്തി. കുമരനല്ലൂര്‍ നജാത്തുല്‍ ഇസ്‌ലാം മദ്‌റസയില്‍ നടന്ന പരിപാടി മഹല്ല് പ്രസിഡന്റ് എം.വി ഇസ്മായില്‍ മുസ്‌ലിയാര്‍ ഉദ്ഘാടനം ചെയ്തു. അബ്ദുല്‍ കാദര്‍ ഫൈസി തലക്കശ്ശേരി അധ്യക്ഷനായി. സി. ബഷീര്‍ ഫൈസി ആനക്കര, അബ്ദുള്ളക്കോയ തങ്ങള്‍, അലി കുമരനല്ലൂര്‍, ചേക്കു ഹാജി, കെ.പി കുഞ്ഞാപ്പ ഹാജി, ഉമറുല്‍ ഫാറൂഖ് തങ്ങള്‍, പി. മുഹമ്മദ് കുട്ടി, മുസ്തഫ ഫൈസി, ഹംസ ബാഖവി, ടി.ഇബ്രാഹിംകുട്ടി, കെ. ജാഫര്‍, കെ. സാബിത്, സി.കെ. റഹീം പങ്കെടുത്തു.
കൊപ്പം: ആമയൂര്‍ മസ്ജിദുറഹ്മാനില്‍ കോട്ടുമല ടി.എം. ബാപ്പു മുസ്‌ലിയാരുടെ പേരില്‍ പ്രാര്‍ഥനയും അനുസ്മരണവും നടത്തി. അബ്ദുല്‍ ഹഖീം അന്‍വരി ഉദ്ഘാടനം ചെയ്തു. സയ്യിദ് അബ്ദുറഹ്മാന്‍ ജിഫ്രി തങ്ങള്‍ പ്രാര്‍ഥന നിര്‍വഹിച്ചു. ഉമര്‍ മൗലവി മലയില്‍ പ്രസംഗിച്ചു.
വല്ലപ്പുഴ: പൊട്ടച്ചിറ എം.ടി.ഐ. സെന്‍ട്രല്‍ സ്‌കൂളില്‍ കോട്ടുമല ഉസ്താദ് അനുസ്മരണം നടത്തി. സ്‌കൂള്‍ ട്രസ്റ്റ് കമ്മിറ്റി വൈസ് ചെയര്‍മാനായിരുന്ന ബാപ്പു മുസ്‌ലിയാര്‍. അനുസ്മരണ സമ്മേളനത്തില്‍ പ്രിന്‍സിപ്പല്‍ പി. ഉണ്ണികൃഷ്ണന്‍ മാസ്റ്റര്‍, മാനേജര്‍ വിഷ്ണു മോഹന്‍ പങ്കെടുത്തു. സ്‌കൂള്‍ സെക്രട്ടറി സി. മുഹമ്മദലി അന്‍വരി പൊട്ടച്ചിറ അനുസ്മരണ പ്രഭാഷണവും പ്രാര്‍ഥനയും നിര്‍വഹിച്ചു.