എടപ്പാള്‍: അജ്ഞാത വാഹനമിടിച്ച് പരുക്കേറ്റ കാട്ടുപന്നിയെ ചികിത്സ നല്‍കിയ ശേഷം ഫോറസ്റ്റ് അധികൃതര്‍ ഏറ്റെടുത്തു.
ഇന്നലെ കാലത്ത് മാണൂര്‍ പള്ളിക്ക് സമീപത്താണ് കാട്ടുപന്നിയെ പരിക്കേറ്റ നിലയില്‍ കണ്ടെത്തിയത്.പരുക്കേറ്റ കാട്ടുപന്നിയെ നാട്ടുകാരുടെ നേതൃത്വത്തില്‍ പൊന്നാനി പോലീസ് സ്റ്റേഷനിലെത്തിച്ചു.പൊലീസ് വിവരമറിയിച്ചതിനെ തുടര്‍ന്ന് സ്ഥലത്തെത്തിയ ഫോറസ്റ്റ് സംഘം പന്നിയെ വട്ടംകുളം മൃഗാശുപത്രിയിലെത്തിച്ചു.വെറ്ററിനറി സര്‍ജ്ജന്‍ ഡോ.മോഹന്‍കുമാറിന്റെ പരിശോധനയില്‍ കാലിന് പൊട്ടലുണ്ടെന്ന് കണ്ടെണ്ടത്തിയതിനെ തുടര്‍ന്ന് പന്നിയുടെ കാലിന് പ്ലാസ്റ്ററിട്ടു. തുടര്‍ന്ന് ഫോറസ്റ്റ് അധികൃതര്‍ കാട്ടുപന്നിയെ കരുവാരകുണ്ട് ഫോറസ്റ്റ് റൈഞ്ച് ഓഫീസിലേക്ക് കൊണ്ട് പോയി.