മുണ്ടക്കുളം: ശംസുല്‍ ഉലമാ ഇസ്‌ലാമിക് കോംപ്ലക്‌സിന് കീഴില്‍ നടക്കുന്ന ശംസുല്‍ ഉലമായുടെ 21ാം ആണ്ടുനേര്‍ച്ച പുതിയങ്ങാടി വരക്കല്‍ മഖാം സിയാറത്തോടെ ആരംഭിച്ചു. അബ്ദുല്‍ ഗഫൂര്‍ ദാരിമി മുണ്ടക്കുളം സിയാറത്തിന് നേതൃത്വം നല്‍കി. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി പതാക ഉയര്‍ത്തി.
ജലാലിയ്യ റാത്തീബിന് മാനൂതങ്ങള്‍ വെള്ളൂര്‍ നേതൃത്വം നല്‍കി. ഇന്നു രാവിലെ ഒന്‍പതിനു നടക്കുന്ന ഖത്മുല്‍ ഖുര്‍ആന്‍ സദസിന് സഅദ് മദനി നേതൃത്വം നല്‍കും. തന്‍ഷീത് സംഗമം സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. സി. ഹംസ ക്ലാസെടുക്കും. പണ്ഡിത സംഗമം എ.വി അബ്ദുറഹ്മാന്‍ മുസ്‌ലിയാര്‍ നന്തി ഉദ്ഘാടനം ചെയ്യും, സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ക്ലാസെടുക്കും. വൈകിട്ട് 6.30ന് നടക്കുന്ന ശംസുല്‍ ഉലമാ, ബാപ്പു മുസ്‌ലിയാര്‍ അനുസ്മരണ സമ്മേളനം സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. സത്താര്‍ പന്തല്ലൂര്‍ പ്രഭാഷണം നടത്തും. ദിക്‌റ് ദുആ സദസിന് മാനുതങ്ങള്‍ വെള്ളൂര്‍ നേതൃത്വം നല്‍കും. കെ.കെ.എസ് തങ്ങള്‍ വെട്ടിച്ചിറ, അഹമ്മദ് കുട്ടി ഫൈസി മൈത്ര, ടി.വി ഇബ്രാഹീം എം.എല്‍.എ, കെ. മുഹമ്മദുണ്ണി ഹാജി, ജബ്ബാര്‍ ഹാജി, കെ.എസ് ഇബ്രാഹീം മുസ്‌ലിയാര്‍, മജീദ് ദാരിമി വളവനാട് പങ്കെടുക്കും.