തൃക്കരിപ്പൂര്‍: സംസ്ഥാന സര്‍ക്കാരും വൈദുതി ബോര്‍ഡും ചേര്‍ന്നു നടപ്പാക്കുന്ന സമ്പൂര്‍ണ വൈദ്യുതീകരണത്തിന്റെ ഭാഗമായി തൃക്കരിപ്പൂര്‍ സെക്ഷന്‍ പരിധിയില്‍ വൈദ്യുതീകരിച്ചു നല്‍കിയ കൊയോങ്കരയിലെ കുഞ്ഞാക്കമ്മയുടെ വീടിന്റെ സ്വിച്ച് ഓണ്‍ കര്‍മ്മം ബോര്‍ഡ് അംഗം ഡോ. വി ശിവദാസന്‍ നിര്‍വഹിച്ചു.
തൃക്കരിപ്പൂര്‍ സെക്ഷന്‍ വര്‍ക്കേഴ്‌സ് അസോസിയേഷന്‍ സൗജന്യമായാണു വീട് വയര്‍ ചെയ്തു നല്‍കിയത്. സംസ്ഥാന ജനറല്‍ സെക്രട്ടറി വി ലക്ഷ്മണന്‍ അധ്യക്ഷനായി.
വാര്‍ഡ് അംഗം ലിജി സെക്ഷന്‍ എ.ഇ കെ സഹജന്‍, എം രാമചന്ദ്രന്‍, വി ജനാര്‍ദ്ദനന്‍, കെ.പി രാമചന്ദ്രന്‍, ശശിധരന്‍, ഒ.പി പത്മനാഭന്‍ സംസാരിച്ചു.