കൂത്തുപറമ്പ്: നഗരമധ്യത്തിലെ ജ്വല്ലറിയില്‍ പട്ടാപ്പകല്‍ മോഷണം നടന്നിട്ട് ആറുമാസമാകാറായിട്ടും പ്രതിയെ പിടികൂടാനാകാതെ പൊലിസ്. കൂത്തുപറമ്പ് ടൗണില്‍ തലശ്ശേരി റോഡിലെ ഉല്ലാസ് ജ്വല്ലറിയില്‍ നിന്നായിരുന്നു അഞ്ചു പവന്‍ സ്വര്‍ണമാലയും തട്ടിപ്പറിച്ച് മോഷ്ടാവ് കടന്നുകളഞ്ഞത്.
കഴിഞ്ഞ വര്‍ഷം ആഗസ്റ്റ് 22ന് ഉച്ചയ്ക്കായിരുന്നു സംഭവം. സ്വര്‍ണമാല വാങ്ങാനെന്ന വ്യാജേന ജ്വല്ലറിയിലെത്തിയ മോഷ്ടാവ് അഞ്ചുപവന്‍ സ്വര്‍ണമാലയുമായി ഓടി രക്ഷപ്പെടുകയായിരുന്നു. ജ്വല്ലറിയിലെ സിസി ടിവി കാമറയില്‍ മോഷ്ടാവിന്റെ ദൃശ്യം പതിഞ്ഞിരുന്നു. കൂടാതെ ടൗണില്‍ സ്ഥാപിച്ച കാമറയില്‍ മോഷ്ടാവ് മറ്റൊരാള്‍ക്കൊപ്പം ബൈക്കില്‍ രക്ഷപ്പെടുന്ന ദൃശ്യങ്ങളും ലഭിച്ചിരുന്നെങ്കിലും ഇതുവരെ ഇയാളെ പിടികൂടാന്‍ പൊലിസിന് കഴിഞ്ഞിട്ടില്ല. അതേസമയം, കാമറയിലെ ദൃശ്യങ്ങളുടെ അടിസ്ഥാനത്തില്‍ മോഷ്ടാവിനെ തിരിച്ചറിഞ്ഞിട്ടുണ്ടെന്നും അയല്‍ സംസ്ഥാനത്ത് ഒളിവില്‍ കഴിയുന്ന പ്രതിയെ പിടികൂടാന്‍ അന്വേഷണം ഊര്‍ജിതമാക്കിയായും
പൊലിസ് പറയുന്നു.