തൃക്കരിപ്പൂര്‍: 'എന്റെ വിദ്യാലയം ഹൈടെക് വിദ്യാലയം' പദ്ധതിയുടെ ഭാഗമായി കൈക്കോട്ടുകടവ് പൂക്കോയതങ്ങള്‍ സ്മാരക ഹയര്‍ സെക്കന്‍ഡറി സ്‌കൂളില്‍ പത്താം തരം ഡിജിറ്റല്‍ ക്ലാസ് മുറികളുടെ ഉദ്ഘാടനം എം രാജഗോപാലന്‍ എം.എല്‍.എ നിര്‍വഹിച്ചു. മാനേജര്‍ എസ് കുഞ്ഞഹമ്മദ് അധ്യക്ഷനായി. ജില്ലാ കലോത്സവ വിജയികള്‍ക്കുള്ള ഉപഹാരം എം രാജഗോപാലന്‍ എം.എല്‍.എ, സത്താര്‍ വടക്കുമ്പാട് എന്നിവര്‍ വിതരണം ചെയ്തു.
വി.കെ ബാവ, എ.ബി അബ്ദുല്ല, എം അബ്ദുള്‍ റഷീദ്, എം.എ.സി കുഞ്ഞബ്ദുല്ല ഹാജി, വി.വി ഉണ്ണികൃഷ്ണന്‍, എം മോഹനന്‍, കെ.പി മുഹമ്മദ് പ്രധാനധ്യാപകന്‍ ഒ അബ്ദുള്‍ അസീസ്, പി മുഹമ്മദ് സംസാരിച്ചു.