ന്യൂഡല്‍ഹി: മഹാത്മാ ഗാന്ധിയേക്കാള്‍ നല്ല ബ്രാന്റാണ് നരേന്ദ്ര മോദിയെന്ന ഹരിയാന മന്ത്രി അനില്‍ വിജിന്റെ വിവാദ പരാമര്‍ശത്തിന് ശക്തമായ മറുപടിയുമായി കോണ്‍ഗ്രസ് നേതാവ് രാഹുല്‍ ഗാന്ധി. ഹ്റ്റലറും മുസ്സോളിനിയും ശക്തമായ ബ്രാന്റുകളായിരുന്നുവെന്ന് രാഹുല്‍ ഗാന്ധി പറഞ്ഞു. ട്വിറ്ററിലൂടെയാണ് രാഹുല്‍ ഗാന്ധിയുടെ പ്രതികരണം.

ഖാദി ആന്റ് വില്ലേജ് ഇന്‍ഡസ്ട്രീസ് കമ്മിഷന്റെ കലണ്ടറിലും ഡയറിയിലും ഗാന്ധിജിയുടെ ചിത്രം മാറ്റി മോദിയുടെ ചിത്രം വച്ചത് വലിയ വിവാദമുണ്ടാക്കുന്നതിനിടെയാണ് വിചിത്രമായ വാദവുമായി വിജ് രംഗത്തെത്തിയത്. ഗാന്ധിജിയേക്കാള്‍ വിപണന മൂല്യം മോദിക്കാണെന്നും അതുകൊണ്ടാണ് കലണ്ടറില്‍ നിന്ന് ഗാന്ധിജിയെ മാറ്റിയതെന്നുമാണ് വിജ് പറഞ്ഞത്.