തൃശൂര്‍: കേരള സംഗീത നാടക അക്കാദമി നടത്തുന്ന ഇറ്റ്‌ഫോക്ക് നാടകമേള ഫെബ്രുവരി 20 മുതല്‍ 28 വരെ നടക്കും.
 തെരുവ് നാടകങ്ങള്‍ക്കും അവതരണങ്ങള്‍ക്കും പ്രാധാന്യം നല്‍കിക്കൊണ്ടാണ് ഇത്തവണ  ഇറ്റ്‌ഫോക്ക് നാടകമേള ഒരുക്കുന്നതെന്ന് സംഘാടകര്‍ പത്രസമ്മേളനത്തില്‍ പറഞ്ഞു.
മലയാളത്തിന്റേതടക്കം ലോകത്തിന്റെ വിവിധ ഭാഗങ്ങളില്‍ നിന്നുള്ള വ്യത്യസ്തങ്ങളായ സ്റ്റേജ് നാടകങ്ങളും ഇറ്റ്‌ഫോക്കിന്റെ ഭാഗമാകും.
 മൊലൊയ് ശ്രീ ഹാഷ്മി, ഡോ. അനുരാധാ കപൂര്‍, രമേഷ് വര്‍മ്മ എന്നിവരെ ഉള്‍പ്പെടുത്തിയിരിക്കുന്ന ക്യുറേറ്റര്‍ കമ്മിറ്റിയില്‍ അഭിലാഷ് പിള്ള ആര്‍ട്ടിസ്റ്റിക് ഡയറക്ടറായി ഇറ്റ്‌ഫോക്ക് പ്രവര്‍ത്തനങ്ങള്‍ പുരോഗമിക്കുകയാണെന്ന് സംഘാടകര്‍ പറഞ്ഞു.