ഫറോക്ക്: പൂര്‍വികരുടെ പാത പിന്തുടര്‍ന്ന നേതാവായിരുന്നു കോട്ടുമല ബാപ്പു മുസ്‌ലിയാരെന്നു കോഴിക്കോട് ഖാസി സയ്യിദ് മുഹമ്മദ്‌കോയ ജമലുല്ലൈലി തങ്ങള്‍. സമസ്തയുടെ നയങ്ങള്‍ പൂര്‍വികര്‍ നടപ്പിലാക്കിയതു പോലെ വളരെ സൂക്ഷമതയോടെ പ്രാവര്‍ത്തികമാക്കാന്‍ ബാപ്പു മുസ്‌ലിയാര്‍ക്ക് സാധിച്ചുട്ടുണ്ടെന്നും തങ്ങള്‍ പറഞ്ഞു. സമസ്ത കോ-ഓഡിനേഷന്‍ ബേപ്പൂര്‍ മണ്ഡലം കമ്മിറ്റി സംഘടിപ്പിച്ച ബാപ്പു മുസ്‌ലിയാര്‍ അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം.
    എസ്.കെ.എസ്.എസ്.എഫ് ജില്ലാ പ്രസിഡന്റും കോ-ഓഡിനേഷന്‍ കമ്മിറ്റി ചെയര്‍മാനുമായ സയ്യിദ് മുബശിര്‍ ജമലുല്ലൈലി തങ്ങള്‍ അധ്യക്ഷനായി. മുസ്തഫ മാസ്റ്റര്‍ മുണ്ടുപ്പാറ അനുസ്മരണ പ്രഭാഷണം നടത്തി. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് അംഗം എം.സി മായിന്‍ഹാജി, നവാസ് പുനൂര്‍, അഷ്‌റഫ് ബാഖവി ചാലിയം, ഹിഫ്‌ലു റഹ്മാന്‍ പരുത്തിപ്പാറ, മൂസക്കോയ മൗലവി, കണ്ണാടി മൊയ്തീന്‍ എന്നിവര്‍ സംസാരിച്ചു. ടി.കെ അബൂബക്കര്‍ മുസ്‌ലിയാര്‍ പ്രാര്‍ത്ഥനയ് ക്കു നേതൃത്വം നല്‍കി. ഹസൈനാര്‍ ഫൈസി സ്വാഗതവും അസ്‌ക്കര്‍ അരീക്കാട് നന്ദിയും പറഞ്ഞു.