കാഞ്ഞങ്ങാട്: മാനവ സൗഹാര്‍ദ്ദം ഊട്ടിയുറപ്പിച്ച് മാണിക്കോത്ത് മഖാം ഉറൂസ് സമാപിച്ചു. സമീപത്തുള്ള മഡിയന്‍ കുലോം ക്ഷേത്രത്തില്‍ പാട്ടുത്സവവും നടക്കുന്നുണ്ട്. കഴിഞ്ഞ ദിവസം മാനവ സൗഹാര്‍ദ്ദം പങ്കു വച്ച് മാണിക്കോത്ത് ജമാഅത്ത് കമ്മിറ്റി ഭാരവാഹികളും മറ്റും ക്ഷേത്രത്തിലെത്തിയിരുന്നു. തുടര്‍ന്ന് ക്ഷേത്ര സ്ഥാനികരും ഭാരവാഹികളും മാണിക്കോത്ത് മഖാമിലുമെത്തി. ക്ഷേത്ര ഭാരവാഹികളെയും സ്ഥാനികരെയും സ്വീകരിച്ചിരുത്തി  ജമാഅത്ത് ഭാരവാഹികളും നാട്ടുകാരും സൗഹൃദം പങ്കു വച്ചു. ഇന്നലെ അന്നദാനം വിതരണത്തോടെയാണ് ഉറൂസ് സമാപിച്ചത്.