ചെമ്പറക്കി: 'രാഷ്ട്രരക്ഷക്ക് സൗഹൃദത്തിന്റെ കരുതല്‍' എന്ന പ്രമേയവുമായി 26 ന് എസ്.കെ.എസ്.എസ്.എഫ് മാറംപള്ളിയില്‍ സൃഷ്ടിക്കുന്ന മനുഷ്യജാലികയുടെ പ്രചാരണ പ്രവര്‍ത്തനങ്ങള്‍ ജില്ലയില്‍ സജീവമായി. ജില്ലയിലെ വിവിധ മേഖലകളും ക്ലസ്റ്ററുകളും കേന്ദ്രീകരിച്ച് പ്രചരണ പരിപാടികളും സമ്മേളനങ്ങളും വരും ദിവസങ്ങളില്‍ നടക്കും.
ജില്ലാ സ്വാഗതസംഘം കമ്മിറ്റിയുടെ ആഭിമുഖ്യത്തില്‍ 19ന് മനുഷ്യജാലിക സന്ദേശയാത്ര നടത്തുവാന്‍ ചെയര്‍മാന്‍ ബി.എച്ച്. അബ്ദുല്‍ നാസറിന്റെ അധ്യക്ഷതയില്‍ കൂടിയ സ്വാഗതസംഘം യോഗം തീരുമാനിച്ചു. വ്യാഴാഴ്ച രാവിലെ 8.30 ന് മുടിക്കല്‍ മാടവന അബൂബക്കര്‍ മുസ്‌ലിയാര്‍ മഖാമില്‍ നിന്നും ആരംഭിക്കുന്ന യാത്ര വൈകിട്ട് 6.30 ന് ചെമ്പറക്കിയില്‍ സമാപിക്കും. മുപ്പതോളം കേന്ദ്രങ്ങളില്‍ സന്ദേശയാത്ര പര്യടനം നടത്തും. സമസ്ത കേന്ദ്ര മുശാവറ അംഗം ഇ.എസ്. ഹസന്‍ ഫൈസി സന്ദേശയാത്ര ഉദ്ഘാടനം ചെയ്യും. മാടവന മന്‍സൂര്‍ ഹാജി ജാഥാ ക്യാപ്റ്റന്‍ എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഷഫീഖ് തങ്ങള്‍ക്കും വൈസ് ക്യാപ്റ്റന്‍ സ്വാഗതസംഘം ചെയര്‍മാന്‍ ബി.എച്ച് അബ്ദുല്‍ നാസറിനും പതാക കൈമാറും.
വൈകിട്ട് ആറ് മണിക്ക് ചെമ്പറക്കിയില്‍ നടക്കുന്ന സമാപന സമ്മേളനം മുന്‍ മന്ത്രി വി.കെ. ഇബ്രാഹിംകുഞ്ഞ് എം.എല്‍.എ ഉദ്ഘാടനം ചെയ്യും. പ്രമുഖ പ്രഭാഷകന്‍ തടിക്കാട് സഈദ് ഫൈസി കൊല്ലം മുഖ്യപ്രഭാഷണം നടത്തും.
ഉദ്ഘാടന-സമാപന സമ്മേളനങ്ങളിലും വിവിധ സ്വീകരണ കേന്ദ്രങ്ങളിലും എന്‍.കെ. മുഹമ്മദ് ഫൈസി, മുഹമ്മദ് ദാരിമി പട്ടിമറ്റം, ബുഖാരി ഫൈസി കണിയാപുരം, അഷ്‌റഫ് ലബ്ബ ദാരിമി ആലപ്പുഴ, മസൂദ് ഫൈസി മേതല, സജീര്‍ ഫൈസി ചെറുവേലിക്കുന്നം, നൗഷാദ് ഫൈസി പട്ടിമറ്റം, നിസാര്‍ ബാഖവി കുമ്മനോട്, ജലീല്‍ ഫൈസി ഇടുക്കി, അബ്ദുല്‍ അസീസ് ബാഖവി എന്നിവര്‍ പ്രഭാഷണം നടത്തും.
എസ്.കെ.എസ്.എസ്.എഫ് മനുഷ്യജാലിക വിജയിപ്പിക്കാനും പ്രചരണ പ്രവര്‍ത്തനങ്ങള്‍ സജീവമാക്കാനും മാറമ്പിള്ളിയിലെ സ്വാഗതസംഘം ഓഫീസില്‍ കൂടിയ സ്വാഗതസംഘം യോഗവും വിവിധ സബ് കമ്മിറ്റികളുടെ യോഗങ്ങളും തീരുമാനിച്ചു.
സ്വാഗതസംഘം ചെയര്‍മാന്‍ ബി.എച്ച്. അബ്ദുല്‍ നാസര്‍, ജനറല്‍ കണ്‍വീനര്‍ കെ.എ. മുസ്തഫ കമാല്‍, ട്രഷറര്‍ മുട്ടം അബ്ദുല്ല, ഭാരവാഹികളായ യൂസുഫ് ഹാജി കടവില്‍, കെ.എം അബ്ദുല്‍ അസീസ്, എ.എം. ബഷീര്‍, എം.എ കുഞ്ഞാമി, ടി.എച്ച് സെയ്തു, എം.ഇ. അഹ്മദ്, റിയാസ് ഫൈസി കാനാംപറമ്പ്, അനസ് താഴത്താന്‍, മനാഫ് ചെറുവേലിക്കുന്ന്, പി.എച്ച് ഇബ്രാഹിംകുട്ടി റഷാദി, നൗഫല്‍ കുട്ടമശ്ശേരി, കുഞ്ഞുമുഹമ്മദ് മൗലവി കാരാംപറമ്പ്, സിദ്ദീഖ് മോളത്ത്, ഹസൈനാര്‍ വടക്കനേത്തില്‍, ഷംസു കൈപ്പൂരിക്കര, അബ്ദുല്‍ ജബ്ബാര്‍ മാസ്റ്റര്‍ എന്നിവരുടെ നേതൃത്വത്തിലാണ് ജില്ലയില്‍ പ്രചരണ പ്രവര്‍ത്തനങ്ങള്‍ പുരോഗമിക്കുന്നത്.
മനുഷ്യജാലികയുടെ വിജയത്തിനായി പ്രവര്‍ത്തകര്‍ കര്‍മരംഗത്തിറങ്ങണമെന്ന് എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഷഫീഖ് തങ്ങള്‍, ജനറല്‍ സെക്രട്ടറി ഫൈസല്‍ കങ്ങരപ്പടി, ട്രഷറര്‍ റാഫി ഐരാറ്റില്‍, പെരുമ്പാവൂര്‍ മേഖല പ്രസിഡന്റ് അബ്ദുല്‍ റഷീദ് ഫൈസി, ജനറല്‍ സെക്രട്ടറി അബ്ദുല്‍ ഖാദര്‍ ഹുദവി, സ്വാഗതസംഘം വര്‍ക്കിങ് ചെയര്‍മാന്‍ സിയാദ് ചെമ്പറക്കി എന്നിവര്‍ അഭ്യര്‍ത്ഥിച്ചു.