ഈരാറ്റുപേട്ട: തുടരെ തുടരെ ഈരാററുപേട്ടയിലും പരിസരങ്ങളിലുംവൈദ്യുതി മുടക്കം നാട്ടുകാരെ ദുരിതത്തിലാക്കുന്നു.പകല്‍ സമയങ്ങളില്‍വൈദൃുതിയുടെ ഒളിച്ചുകളി വിദ്യാര്‍ഥികളെയും വലയ്ക്കുന്നു. പ്ലസ്ടു പ്രവേശനത്തിന് ഓണ്‍ലൈന്‍ വഴിയാണ് അപേക്ഷിക്കേണ്ടത്. ഇതിനായി ഇന്റര്‍നെറ്റ് കഫേകളില്‍ എത്തുന്നവര്‍ ഏറെ നേരം കാത്തിരിക്കേണ്ട ഗതികേടിലാണ്. ഇടയ്ക്കിടെ വൈദ്യുതി മുടങ്ങുന്നതു കഫേകളുടെ പ്രവര്‍ത്തനങ്ങളെ ബാധിച്ചിരിക്കുകയാണ്.
തുടര്‍ച്ചയായുള്ള വൈദ്യുതി മുടക്കം മൂലം ഓണ്‍ലൈന്‍ വഴിയുള്ള റജിസ്‌ട്രേഷന്‍ വൈകുന്നതായി ആരോപണമുണ്ട്. വൈദ്യുതി മുടക്കം ഇതര സ്ഥാപനങ്ങളെയും ബുദ്ധിമുട്ടിലാക്കിയിരിക്കുകയാണ്. വില്ലേജ് ഓഫിസുകളിലുംനിന്നു സര്‍ട്ടിഫിക്കറ്റുകള്‍ ലഭിക്കേണ്ടവരും ഓണ്‍ലൈനിലൂടെ വേണം അപേക്ഷ നല്‍കാന്‍.