തിരുവനന്തപുരം: നിയമസഭയില്‍ പിവി അന്‍വര്‍ എം.എല്‍.എയുടെ സ്ഥാനം പ്രതിപക്ഷത്തേക്ക് മാറ്റി. മഞ്ചേശ്വരം എം.എല്‍.എ എകെഎം അഷ്‌റഫിന്റെ അടുത്താണ് അന്‍വറിന്റെ പുതിയ സ്ഥാനം. സി.പി.ഐ.എം പാര്‍ലമെന്ററികാര്യ സെക്രട്ടറി ടി രാമകൃഷ്ണന്റെ കത്തിന്റെ അടിസ്ഥാനത്തിലാണ് തീരുമാനം. പാര്‍ട്ടി അംഗമല്ലാത്തതിനാല്‍ മറ്റ് നടപടികളിലേക്ക് കടക്കാന്‍ സി.പി.ഐ.എമ്മിന് സാധിക്കില്ല. 

കഴിഞ്ഞ നിയമസഭ സമ്മേളനം ഭരണപക്ഷത്തായിരുന്നു അന്‍വറിന്റെ സ്ഥാനം. മുഖ്യമന്ത്രി പിണറായി വിജയനുമായി ഇടഞ്ഞതിനെ തുടര്‍ന്നാണ് അന്‍വറിന്റെ സ്ഥാനം തെറിച്ചത്. 

അതേസമയം ഇന്ന് നടത്തിയ വാര്‍ത്ത സമ്മേളനത്തിലും മുഖ്യമന്ത്രിക്കെതിരെ ഗുരുതരമായ ആരോപണങ്ങളാണ് അന്‍വര്‍ ഉന്നയിച്ചത്. വാര്‍ത്ത സമ്മേളനത്തിലെ മുഖ്യമന്ത്രിയുടെ ചിരി ഉത്തരമില്ലാത്തതിന്റെ ചിരിയെന്നും എസ്‌കേപ്പിസം എന്നും പിവി അന്‍വര്‍ വിമര്‍ശിച്ചിരുന്നു. പരാതികള്‍ അവജ്ഞതയോടെ തള്ളുന്നുവെന്ന പരാമര്‍ശം പുതിയ കാര്യമല്ലെന്നും അന്‍വര്‍ പറഞ്ഞു. അമരേഷ് പുരിയായിരുന്ന മുഖ്യമന്ത്രി ഇന്നസെന്റിനെ പോലെ ചിരിക്കുന്നതില്‍ സന്തോഷമെന്നും അദ്ദേഹം പരിഹസിച്ചു.

MLA PV Anwars seat in the Assembly has been shifted to the opposition