ശ്രീനഗര്‍: ജമ്മുകശ്മീരിലെ പഹല്‍ഗാമില്‍ സുരക്ഷാസേനയുമായുള്ള ഏറ്റുമുട്ടലില്‍ മൂന്ന് ഭീകരര്‍ കൊല്ലപ്പെട്ടു. തെക്കന്‍ കശ്മിരിലെ അനന്ത് നാഗ് ജില്ലയിലെ പഹല്‍ഗാമിലെ അവൂര ഗ്രാമത്തിലാണ് ഏറ്റുമുട്ടലുണ്ടായത്. പ്രാദേശിക ഭീകരരായ ഇവരില്‍ നിന്ന് മൂന്ന് തോക്കുകള്‍ പിടിച്ചെടുത്തതായും സേന അറിയിച്ചു.
ഗ്രാമത്തില്‍ ഭീകരര്‍ ഉണ്ടെന്ന വിവരം ലഭിച്ചതിനെ തുടര്‍ന്ന് നടത്തിയ തെരച്ചിലിലാണ് ഏറ്റുമുട്ടലുണ്ടായത്. ഇവിടേക്ക് സമീപ ഗ്രാമത്തില്‍ നിന്നും ജനങ്ങള്‍ എത്തി സുരക്ഷാ സേനയുമായി ഏറ്റുമുട്ടിയതായും പൊലിസ് അറിയിച്ചു.