കണ്ണൂര്‍: നിളയില്‍ നിറഞ്ഞാടി കുച്ചുപ്പുടി നര്‍ത്തകര്‍. ഒന്നാംേവദിയായ നിളയില്‍ രണ്ടാംദിനം രാവിലെ 9.30ന് ആരംഭിച്ച ഹയര്‍സെക്കന്‍ഡറി വിഭാഗം ആണ്‍കുട്ടികളുടെ കുച്ചുപ്പുടി മത്സരം മെയ്‌വഴക്കം കൊണ്ടും ലാസ്യതാളഭാവങ്ങള്‍ കൊണ്ടും സദസിനെ കയ്യിലെടുക്കുന്നതായി.

ക്ഷേത്രകലയുടെ സര്‍വഭാവങ്ങളും അരങ്ങിലെത്തിച്ചാണ് ഓരോ മത്സരാര്‍ഥിയും വേദി വിട്ടത്.

ഓരോ മത്സരാര്‍ഥികളും തങ്ങളുടെ മികവിന്റെ പൂര്‍ണതയിലേക്ക് നൃത്തത്തെ കൊണ്ടെത്തിച്ചപ്പോള്‍ നിലക്കാത്ത കരഘോഷത്തിനും ഒന്നാംവേദി സാക്ഷിയായി.

28ലധികം മത്സരാര്‍ഥികളാണ് ഹയര്‍സെക്കന്‍ഡറി വിഭാഗത്തില്‍ മത്സരത്തിനുള്ളത്.

ഭാരതത്തിന്റെ തനതായ നൃത്തരൂപമായ കുച്ചിപ്പുടിയുടെ ഉത്ഭവം ആന്ധ്രാപ്രദേശിലാണ്. പുരാണങ്ങളെ ആസ്പദമാക്കി രചിച്ച വരികള്‍ക്കൊപ്പമാണ് നര്‍ത്തകര്‍ കുച്ചുപ്പുടിയില്‍ ചുവടുവയ്ക്കുന്നത്.