കണ്ണൂര്‍: കേരളത്തില്‍ ആര്‍.എസ്.എസ് പരാതി കൊടുത്താല്‍ ജനങ്ങളുടെ മേല്‍ യു.എ.പി.എ ഉള്‍പ്പെടെയുള്ള കരിനിയമങ്ങള്‍ ചുമത്തുകയാണ് ചെയ്യുന്നതെന്ന് പ്രതിപക്ഷ നേതാവ് രമേശ് ചെന്നിത്തല. യു.ഡി.എഫ് ജില്ലാ നേതൃയോഗം ഉദ്ഘാടനം ചെയ്യുകയായിരൂന്നു അദ്ദേഹം. രാജ്യത്ത് കേന്ദ്ര സര്‍ക്കാര്‍ ഗാന്ധിജിയുടെ പടം മാറ്റി മോദിയുടെ പടം വെയ്ക്കുന്നു. ഇത്രമാതം അധപതനം ഒരു പ്രധാന മന്ത്രിക്ക് വരാന്‍ ഉണ്ടോ എന്നും അദ്ദേഹം ചോദിച്ചു. കേരളത്തില്‍ സംസ്ഥാന പദ്ധതി പ്രവര്‍ത്തനം ആകെ താറുമായി. ക്രമസമാധാനരംഗം തകര്‍ന്നിരിക്കുകയാണ്. പിണറായി ഭരണരംഗത്ത് കാഴ്ചക്കാരനായി മാറിയിരിക്കുകയാണെന്നും അദ്ദേഹം പറഞ്ഞു.
ജില്ലാ ചെയര്‍മാന്‍ പ്രൊഫ. എ.ഡി മുസ്തഫ അധ്യക്ഷനായി. കെ.സി ജോസഫ് എം.എല്‍.എ ഡി.സി.സി. പ്രസിഡന്റ് സതീശന്‍ പാച്ചേനി, മുസ്‌ലിം ലീഗ് സംസ്ഥാന വൈസ് പ്രസിഡന്റ് വി.കെ അബ്ദുല്‍ ഖാദര്‍ മൗലവി, പി രാമകൃഷ്ണന്‍, കെ.പി കുഞ്ഞിക്കണ്ണന്‍, സുമാ ബാലകൃഷ്ണന്‍, അബ്ദുല്‍ കരീം ചേലേരി, വി.പി വമ്പന്‍, കെ അബ്ദുല്‍ ഖാദര്‍, ഇല്ലിക്കല്‍ അഗസ്തി, ജോര്‍ജ് വടകര, കെ സുരേന്ദ്രന്‍, പി കുഞ്ഞിമുഹമ്മദ്, എ.പി അബ്ദുല്ലക്കുട്ടി, എം നാരായണന്‍ കുട്ടി, കെ പ്രഭാകരന്‍, വി.വി പുരുഷോത്തമന്‍, വി സുരേന്ദ്രന്‍, മുഹമ്മദ് ബ്ലാത്തൂര്‍, ടി.ഒ മോഹനന്‍ സംസാരിച്ചു.