കയ്പമംഗലം: കേരളത്തിലെ വിവിധ കേന്ദ്രങ്ങളിലെ ഹജ്ജ് ഹെല്‍പ് ഡെസ്‌കുകള്‍ സന്ദര്‍ശിക്കുന്നതിന്റെ ഭാഗമായി കേന്ദ്ര ഹജ്ജ് കമ്മിറ്റി എക്‌സിക്യുട്ടീവ് ഓഫിസറും ഉദ്യോഗസ്ഥരും കയ്പമംഗലം പുത്തന്‍പള്ളി മഹല്ല് ഹജ്ജ് ക്യാംപിലും സന്ദര്‍ശനത്തിനെത്തി.
സംസ്ഥാന ഹജ്ജ് കമ്മിറ്റി ചീഫ് കോ-ഓഡിനേറ്റര്‍ ഷാജഹാനോടൊപ്പമാണ് ഉദ്യോഗസ്ഥ സംഘം കയ്പമംഗലത്തെത്തിയത്. സംസ്ഥാന തലത്തില്‍ തന്നെ മികച്ച ഹജ്ജ് സേവന പ്രവര്‍ത്തനമാണ് പുത്തന്‍പള്ളി മഹല്ല് നടത്തുന്നതെന്ന് ചീഫ് കോ ഓഡിനേറ്റര്‍ ഷാജഹാന്‍ പറഞ്ഞു.
കേന്ദ്ര ഹജ്ജ് കമ്മിറ്റി അംഗങ്ങളും ഹജ്ജ് സേവന കേന്ദ്രത്തിന്റെ പ്രവര്‍ത്തനം വിലയിരുത്തി. പുത്തന്‍പള്ളി മഹല്ല് പ്രസിഡന്റ് പി.എ സെയ്തുമുഹമ്മദ് ഹാജിയുടെ അധ്യക്ഷതയില്‍ കൂടിയ സ്വീകരണത്തില്‍ പുത്തന്‍പള്ളി മഹല്ല് ഹജ്ജ് കണ്‍വീനര്‍ പി.എം റഫീഖ് ഹാജി, ചെറുവട്ടത്ത് ഖാദര്‍ ഹാജി, പി.ബി താജുദ്ദീന്‍, ഗഫൂര്‍ മഹ്‌ളറ, അശ്‌റഫ് നരിക്കുഴി, മഹല്ല് സെക്രട്ടറി അബ്ദുല്‍ അസീസ് എന്നിവര്‍ സംബന്ധിച്ചു.