ന്യൂഡല്‍ഹി: മുതിര്‍ന്ന കോണ്‍ഗ്രസ് നേതാവ് എന്‍.ഡി തിവാരി ബിജെപിയിലേക്ക് ചേക്കേറുന്നു. മകന്‍ രോഹിത് ശേഖറും തിവാരിക്കൊപ്പം ബി.ജെ.പിയിലെത്തുമെന്നും സൂചനയുണ്ട്. 91ാം വയസ്സിലാണ് തിവാരിയുടെ കാലുമാറല്‍ എന്നതു ശ്രദ്ധേയമാണ്.

മകന്‍ രോഹിത് ശേഖറിന് ഉത്തരാഖണ്ഡ് നിയമസഭാ തെരഞ്ഞെടുപ്പില്‍ ബി.ജെ.പി സീറ്റ് ഉറപ്പുനല്‍കിയതോടെയാണ് ഇദ്ദേഹം ബി.ജെ.പിയിലേക്ക് മാറിയത്. തിവാരിയുടെ പാര്‍ട്ടി പ്രവേശനം തെരഞ്ഞെടുപ്പില്‍ ഗുണം ചെയ്യുമെന്ന വിലയിരുത്തലിലാണ് ബിജെപി.
ആറു വര്‍ഷത്തെ നിയമപോരാട്ടങ്ങള്‍ക്കൊടുവിലാണ് തിവാരി രോഹിത് ശേഖറിനെ മകനായി അംഗീകരിച്ചിരുന്നത്. ഇത് ഏറെ വാര്‍ത്താ പ്രാധാന്യം നേടിയിരുന്നു.