തൃശൂര്‍: വിയ്യൂര്‍ ജയിലില്‍ തടവില്‍ കഴിയുന്ന ടി.പി ചന്ദ്രശേഖരന്‍ വധക്കേസ് പ്രതികളില്‍ നിന്നും മൊബൈല്‍ ഫോണും ബാറ്ററിയും പിടിച്ചെടുത്തു. ചൊവ്വാഴ്ച രാത്രി ഡി ബ്ലോക്കില്‍ നടത്തിയ റെയ്ഡിലാണ് പ്രതികളായ മുഹമ്മദ് ഷാഫിയില്‍ നിന്ന് മൊബൈലും കൊടി സുനിയില്‍ നിന്ന് മൊബൈല്‍ ബാറ്ററിയും പിടിച്ചെടുത്തത്. കഴിഞ്ഞ ദിവസം തടവുകാരിലൊരാള്‍ മലദ്വാരത്തില്‍ മൊബൈല്‍ ഒളിപ്പിച്ചു കടത്തിയ സംഭവത്തെ തുടര്‍ന്നാണ് റെയ്ഡ് നടത്തിയത്. അതേസമയം, സംഭവം ജയില്‍ അധികൃതര്‍ വിയ്യൂര്‍ പൊലിസില്‍ അറിയിച്ചിട്ടില്ലെന്ന് ആക്ഷേപമുണ്ട്.