കോട്ടയം: എരുമേലി ഗ്രാമപഞ്ചായത്തിലെ എരുത്വാപ്പുഴ മലവേടന്‍ കോളനിയില്‍ ജില്ലാ കലക്ടര്‍ സി.എ. ലത ഇന്ന് സന്ദര്‍ശനം നടത്തും.
ജില്ലയിലെ ഏറ്റവും പിന്നോക്കം നില്‍ക്കുന്ന പട്ടിക വര്‍ഗ്ഗകോളനികളിലെ പ്രശ്‌നങ്ങള്‍ നേരിട്ടു മനസ്സിലാക്കി പരിഹാരം കണ്ടെത്തുന്നതിന് കുടുംബശ്രീ ജില്ലാ മിഷന്റെ ആഭിമുഖ്യത്തില്‍ സംഘടിപ്പിക്കുന്ന ഊരില്‍ ഒരു ദിവസം പദ്ധതിയുടെ ഭാഗമായാണ് കലക്ടറുടെ സന്ദര്‍ശനം. കോളനി നിവാസികളുടെ പ്രശ്‌നങ്ങള്‍ ചര്‍ച്ച ചെയ്യുന്നതിന് രാവിലെ ഒന്‍പത് മുതല്‍ എരുത്വാപ്പുഴ കമ്മ്യൂനിറ്റി ഹാളില്‍ നടക്കുന്ന പരിപാടി പി.സി.ജോര്‍ജ്ജ് എം.എല്‍.എ ഉദ്ഘാടനം ചെയ്യും. എരുമേലി ഗ്രാമ പഞ്ചായത്ത് പ്രസിഡന്റ് റ്റി.എസ്.കൃഷ്ണകുമാര്‍ മറ്റ് ജനപ്രതിനിധികള്‍ വിവിധ വകുപ്പുദ്യോഗസ്ഥര്‍ പങ്കെടുക്കും.