ന്യൂഡല്‍ഹി: മലയാളികള്‍ക്ക് അഭിമാനിക്കാനായി ഇതാ ഒരു താരം കൂടി ഇന്ത്യന്‍ ടീമിലേക്ക്. കോഴിക്കോട് കൊയിലാണ്ടി സ്വദേശി രോഹന്‍ കുന്നുമ്മലാണ് അണ്ടര്‍ 19 ടീമില്‍ ഇടം നേടിയത്. ഇംഗ്ലണ്ടിനെതിരെ നടക്കുന്ന ഏകദിന പരമ്പരയില്‍ രോഹന്‍ മത്സരിക്കും.

ഈ മാസം 30 നാണ് ടൂര്‍ണമെന്റ് ആരംഭിക്കുന്നത്. യൂത്ത് ഏഷ്യാ കപ്പില്‍ തിളങ്ങിയ പൃഥ്വി ഷോ, അഭിഷേക് ഷര്‍മ്മ, ഹിമാന്‍ഷു റാണ, ആയുഷ് ജംവാല്‍, ഹെറാംബ് പരാബ്, ഷുബ്ഹാന്‍ ഗില്‍ എന്നിവരും ടീമിലുണ്ടാവും. രാഹുല്‍ ദ്രാവിഡാണ് പരിശീലകന്‍.