റിയാദ്: സഊദിയുടെ നേതൃത്വത്തിലുള്ള സഖ്യ സേന യമനിലെ വിവിധ കേന്ദ്രങ്ങളില്‍ നടത്തിയ വ്യോമാക്രമണത്തില്‍ നിരവധി ഹൂതികള്‍ കൊല്ലപ്പെട്ടു. ഹുദയ്യ ഗവര്‍ണറേറ്റിലെ ചെക്ക് പോയിന്റില്‍ നടത്തിയ വ്യോമാക്രമണത്തില്‍ വിമത വിഭാഗത്തിലെ 18 പേരും ഹുദയ്യ തുറമുഖത്തു നടത്തിയ ആക്രമണത്തില്‍ നിരവധി ഹൂതികളും കൊല്ലപ്പെട്ടതായാണ് വിവരം.

കൂടാതെ ഹുദയ്യ തുറമുഖത്തു നടത്തിയ ആക്രമണത്തില്‍ ഹൂതികള്‍ക്ക് കനത്ത നാശനഷ്ടവും വരുത്തിയിട്ടുണ്ട്. നിലവില്‍ ഹൂതികളുടെ ശക്തി കേന്ദ്രമാണ് ഹുദയ്യ മേഖല. അതിനിടെ, മാരിബ് പ്രവിശ്യയില്‍ ഹൂതികള്‍ തൊടുത്തു വിട്ട രണ്ടു ബാലിസ്റ്റിക്ക് മിസൈല്‍ ആകാശത്തു വെച്ചു തന്നെ മിസൈല്‍ വേധ സംവിധാനം ഉപയോഗിച്ച് തകര്‍ത്തതായും സഊദി സഖ്യസേന വ്യക്തമാക്കി